როგორც ცნობილია რუსთავი-2-ზე ახალი მუსიკალური პროექტი "მხოლოდ ქართული"იწყება, სადაც მხოლოდ ქართულენოვანი სიმღერები იქნება წარმოდგენილი, შესარჩევი ტური ქალაქ გორიდან უკვე დაიწყო, ცნობილია ახალი კონკურსის ჟიურის წევრებიც, ესენი არიან: მარინა ბერიძე, სოფო ნიჟარაძე და გიორგი უშიკაშვილი.

ამის გამო უკმაყოფილობა გამოთქვა, მომღერალმა ნინო ჩხეიძემ .მისი განცხადებით, თავის დროზე გენერალურ დირექტორს შესთავაზა "საქართველოს ფანოღის" გადატანა რუსთავი-2-ზე, რომელიც რამდენიმე წლის განმავლობაში "კომედი არხზე" გადიოდა(რომლის მფლობელიც რუსთავი -2-ია)

"საქართველოს ფანოღის“ გაგრძელება „რუსთავი 2“-ზე სახელად „მხოლოდ ქართული“. იგივე იდეის განხორციელება უჩვენოდ მაგრა ტეხავს“-წერს სოციალურ ქსელში ნინო ჩხეიძე.

ჩხეიძეს გამოეხმაურა სოფო ნიჟარაძე და ნიკა გვარამია, ამ უკანასკნელმა აღნიშნა, რომ "კომედი" არხზე გასული პროექტი "საქართველოს ფანოღი" უფრო იუმორისტულ ჭრილში განიხილებოდა, რასაც ნინო ჩხეიძის გაღეზიანება მოჰყვა:

"სამწუხაროა რომ მე სხვას მეუბნებიან და შენ სხვა რამ დაწერე, მაგრამ ერთი ის მიხარია რომ გულწრფელი ხარ და რასაც ფიქრობ იმას წერ, ეხლა უკვე გავიგე ბოლო წლების განმავლობაში რატომ ვარ დაბლოკილი თქვენს არხზე ნანუკას შოუს გარდა, იმასაც მივხვდი რომ დროის და სტატუსების ცვლილება თურმე მოქმედებს ადამიანებზე. არ მეგონა თუ შენთვის და რუსთავი 2-ისთვის მარტო იუმორისტულ ჭრილში განვიხილებოდი, ნეტავ კიდევ რა ჭრილში მიხილავს რუსთავი 2 "-წერს ჩხეიძე.

მალევე მათ კამათს გამოეხმაურა მარინა ბერიძე:"თუ მუსიკოსი ხარ, ძალიან კარგად უნდა იცოდე, რომ ფანოღი, როგორც ჟანრი არ არსებობს და ქართული სიმღერის გაიგივება ფანოღთან არაადეკვატური და ძალიან სასაცილოა. რაღაც პროექტი რომ იყო „კომედი არხზე“ ვიცოდი, მაგრამ როგორც მახსოვს ის იუმორისტული პროექტი იყო. რანაირად შეიძლება იმ პროექტის გაიგივება გააკეთო ფანოღთან სადაც მე ვარ (და ნინომ ძალიან კარგად იცის, რა მაქვს გაკეთებული ჩემი ცხოვრების მანძილზე), სადაც გიორგი უშიკიშვილი და სოფო ნიჟარაძეა. ვერაფრით ვერ ვხვდები...ვერავინ დაბლოკავს ძალიან ნიჭიერ, მაგარ მომღერალსა და მუსიკოსს. არ მესმის. მე მეგონა ნინომ თავისი ადგილი ძალიან კარგად იცოდა და ამის გამო ძალიან კარგად ვიყავი მის მიმართ განწყობილი. არასდროს ჰქონია ამბიცია დიდ მუსიკოსობაზე, ამ გადასახედიდან არ ვიცი რა ვიფიქრო. რას ნიშნავს პროექტი წაართვეს. ე.ი. „ჯეოსტარი“ რომ დამთავრდა და „საქართველოს ვარსკვლავი“ დაიწყო და მე არ ვიყავი, უნდა გამოვარდნილიყავი და მეთქვა, პროექტი წარამთვეს-მეთქი?! ახლა იმედზე „იქს ფაქტორი“ რომ დაიწყება, „ნიჭიერი“ რომ იყო, წართმევა ეგ არის, მაგრამ ვამბობთ, რომ წაგვართვეს?! არავინ ხმას არ ვიღებთ. ერთი ჩვევა მაქვს, მხოლოდ საქმით უნდა დავუმტკიცო ყველას, რა კარგია და რა - ცუდი.

ეს ჟანრი არ არის დიდ სცენაზე გამოსატანი. ეს არის რესტორნის, სამარშრუტო ტაქსის და ა. შ მომხმარებლისთვის. იქ სადაც ნანი ბრეგვაძე განიხილება, შეიძლება, ნინო ჩხეიძე განიხილებოდეს?! ძალიან მინდა ყველას ვურჩიო, თავისი ნიშა დაიკავონ და ნუ გადაუხვევენ. ძალიან კარგია როცა შენი ადგილი იცი და ის, თუ სად უნდა გამოყო თავი და სად - არა. "-აღნიშნა მარინა ბერიძემ "primetime"-თან საუბარში.

ნინო ჩხეიძემ მარინა ბერიძეს უპასუხა:" მთელი ცხოვრების მანძილზე აკრიტიკებთ ადამიანებს, მათ შემოქმედებას და ამოფარებული ხართ იმ ადამიანების რეგალიებს ვისაც მართლა აქვს შექმნილი ღირებული პროდუქტი ქართულ ბაზარზე. ნიჭია ადამიანების ლანძღვა და ზემოდან ყურება. ეს კი გაგიკეთებიათ და ალბად ასეც გააგრძელებთ თქვენს შემოქმედებას. უკეთესი იქნება სანამ მე ჩემი კოლეგების სახელებითა და გვარებით მომმართავ, თავად გაერკვიო კარგად, ვის რა აქვს შექმნილი, ვინ რას წარმოადგენს და თქვენ ვინ ხართ. არ შემიძლია უპასუხოდ დავტოვო თქვენი სარკაზმი იმასთან დაკავშირებით რომ მე თავის შეხსენება მჭირდება ხალხისთვის. აბა ვინ ხალხზე მელაპარაკებით? მანდ რომ დასხედით და იუმორინას მეძახით, მუსიკას რო ასწავლით ერს და თქვენი ეგოს დასაკმაყოფილებლად ვინც თქვენ გაწყობთ იმას რომ ეძახით ქრთული მუსიკის შემსრულებლებს? ამ ხალხს უნდა შევახსენო თავი? თუ ამბიციური საფეხურიდან ცოტა ქვემოთ ჩამოხვალთ, აღმოაჩენთ რომ მე ხალხის სიყვარული არ მაკლია, რითიც მე ძალიან ბედნიერი ვარ და მადლობელი ჩემი ქვეყნის და ჩემი მსმენელი"

თუ საკუთარ თავთან დარჩები და კოლექტიურ აზროვნებას გაეთიშები, დარწმუნებული ვარ, რომ ადგილს ნამდვილად იპოვი, შენს ადგილს, სად უნდა გამოყო თავი და სად -არა!