კოლექციები საცურაო სეზონი გაიხსნა 2012, 29 ივნისი, 11:35 საცურაო კოსტუმები მძივებით, ბრჭყვიალებით და მაქმანით-ახალი სიტყვაა სპორტულ მოდაში თუ ის ანაცვლებს კოქტეილის კაბებს? არსებობს საცურაო კოსტუმები, რომლითაც ცურავენ აუზში, რომლითაც თამაშობენ პლიაჟის ფრენბურთს, ასევე დასეირნობენ იახტის გემბანზე მოჰიტოთი ხელში. ეს საცურაო კოსტუმები მეტად გამძლეები არიან-მთელ დღეს ატარებენ ულტრაისფერი სხივების ქვეშ, ხშირად ეშვებიან ზღვის მარილიან ან აუზის ქლორიან წყალში. მაგრამ ამჯერად საუბარია პოდიუმზე წარმოდგენილ საცურაოებზე, რომელიც ძვირფასი ქსოვილებისგანაა დამზადებული და უხვად არის დეკორირებული-მათი გამოყენების არეალი კი წვეულებაა, სადაც მათ კოქტეილის კაბების მაგივრად მოირგებთ. Dolce& Gabbana-მ წარმოადგინა აბრეშუმის კოსტუმები, რომლებიც საფირმო კორსეტების ფორმისაა და გაფორმებულია მრავალრიცხოვანი ბრჭყვიალა ქვებით. მიუჩია პრადამ ასეთი საცურაო ატლასისგან შეკერა და ბრჭყვიალა და მაქმანიანი აპლიკაციებით გააფორმა. მისი ჩაცმა როგორც დამოუკიდებლად, ასევე მსუბუქი ზაფხულის კაბის ქვეშ შეგიძლიათ. Marc by Marc Jacobs-ის საცურაო კოსტუმები უფრო მოკრძალებულად გამოიყურება-დეკორის გარეშე, მხოლოდ არშიებით არის გაფორმებული. Alexander Wang-მა წარმოადგინა ორშრიანი კოსტუმი-ლურჯი „ბოდი“ და მოსასხამი ბადისგან და ტულისგან. მაიკლ კორსის საცურაო კოსტუმები გაფორმებულია ტყავით და მეტალის სამაგრებით. საცურაო კოსტუმი მხოლოდ სპორტული ფორმა არ გახლავთ, არამედ ვარიაციებია კაბების თემაზე, რომელიც შეგიძლიათ ჩაიცვათ ჟაკეტთან და შარვალთან ერთად თუნდაც თვითმფრინავით მოგზაურობისას-განაცხადა დიზაინერმა. მაგრამ რითი ვიცურაოთ, იკითხავთ თქვენ? „ლამაზ საცურაო კოსტუმებში-პასუხობს Eres-ის კრეატიული დირექტორი, რომელმაც საცურაოები გააფორმა მეტალის და პლასტიკატის სამაგრებით. ასე რომ შვებულებისთვის შეარჩიეთ ბევრი საცურაოები და რაც შეიძლება ლამაზად გაფორმებული. Botega Veneta Etro Eres 187 2-ს მოსწონს
|