ფიქრობთ, შეუძლებელია კლასიკური მუსიკის და ფეხბურთის ერთმანეთში არევა? სულაც არა! მოდით, ვნახოთ ფეხბურთელები, რომლებიც გიჟდებიან კლასიკურ მუსიკაზე.

დევიდ ბექჰემი და ბეთჰოვენი დევიდმა გამოამჟღავნა თავისი მიდრეკილება კლასიკისადმი სამსუნგის რეკლმაში, სადაც ის ასრულებს "Ode To Joy"-ს ბეთჰოვენის მე-9 სიმფონიიდან. ის სპეციალური ჟღერადობის კედელზე დაკიდებულ დრამებს ბურთს ესვრის და საბოლოოდ ბეთჰოვენის მელოდია იწყობა.

ლიონელ მესი უკრავს ფორტეპიანოზე

ყველა დროის ერთ-ერთ საუკეთესო ფეხბურთელად მიჩნეული არგენტინელი არამარტო ფეხბურთშია მოხერხებული, არამედ ფორტეპიანოზე დაკვრაშიც. მან შეასრულა UEFA-ს ჩემპიონთა ლიგის ჰიმნი ფორტეპიანოზე.

პოლ შარნერი, როგორც მოცარტის გულშემატკივარი

როცა ფეხბურთიდან წასული ავსტრიელი პოლ შარნერი თმას არ იღებავს უცნაურ ფერებში, ის საუბრობს იმაზე, თუ როგორი ფართო მუსიკალური გემოვნება აქვს . ის უსმენს ყველაფერს დაწყებული ირლანდიული როკ ჯგუფ U2-თი, დამთავრებული ავსტრიელი მოცარტით. მისი აზრით, მოცარტი მართლაც გენიოსია და აოცებს ის, თუ როგორაა შესაძლებელი ბევრი ინსტრუმენტის თავმოყრა ერთ ნაწარმოებში.

ტონი ადამსი და ფორტეპიანოს სიყვარული

არსენალის ყოფილი მცველი ტონი ადამსი, კლასიკურ მუსიკას იყენებდა იმისთვის, რომ ალკოჰოლის ზემოქმედებისგან გათავისუფლებულიყო 90-იან წლებში. სპორტული მეცნიერების ხარისხის მიღებასთან ერთად, ადამსმა დაიწყო ფორტეპიანოზე დაკვრის სწავლა. მას თან მიჰქონდა ხოლმე პორტატული კლავიატურა იმ შემთხვევაში, თუ თამაში უცხოეთში ჰქონდა.

ნოლბერტო სოლანო და საყვირი

ნოლბერტომ თავისი კარიერის დიდი ნაწილი გაატარა ინგლისის პრემიერთა ლიგაში, ასევე მას ნათამაშები აქვს პერუსთვის 95-ჯერ...მაგრამ, როცა არ თამაშობს, ის უკრავს. ნობი პროფესიონალი მესაყვირეა და საკუთარი სალსას ბენდიც კი შექმნა.