რომის პაპი ფრანცისკე კათოლიკური ეკლესიისა და ვატიკანის სახელმწიფოს მეთაური 2013 წლის 13 მარტიდანაა.ის რომის 266-ე პაპია.მისი ერისკაცობის სახელი ხორხე მარიო ბერგოლიოა.ის პირველი სამხრეთ ამერიკელი და მეორე არაევროპელი პაპია.2016 წლის შემოდგომაზე ის საქართველოშიც იმყოფებოდა კათოლიკოს-პატრიარქის მოწვევით.

ევროპაში დიდი აჟიოტაჟი გამოიწვია პაპ ფრანცისკეს მიერ “მამაო ჩვენოს" კრიტიკამ.საქმე იმაში გახლავთ, რომ რომის პაპის განმარტებით, ლოცვაში მრავალ ენაზე არასწორადაა ნათარგმნი არამეულიდან შემდეგი ფრაზა: “და ნუ შეგვიყვანებ ჩვენ განსაცდელსა". “ეს არ არის კარგი თარგმანი"- აცხადებს კათოლიკური ეკლესიის წინამძღოლი. “ნუ დამტოვებ განსაცდელში", ვფიქრობ, ასე უფრო უმჯობესი იქნებოდა – აღნიშნა პაპმა.

პაპმა აღნიშნული თემა ტელეკომპანია TV 2000 –სთვის მიცემულ ინტერვიუში გააჟღერა ოთხშაბათს საღამოს.

რომის პაპი ფრანცისკე თავის პოზიციას შემდეგნაირად განმარტავს:

ეს ჩვენ ვართ ისინი, ვინც განსაცდელში ვვარდებით, ღმერთი არ აკეთებს ამას.ეს ეშმაკია, რაც ჩვენ განსაცდელისაკენ მიგვაქანებს.უფალი კი ხსნაა, იგი ეხმარება თითოეულ ადამიანს, რათა ის ხელახლა წამოდგეს ფეხზე.

კათოლიკური ეკლესიის წინამძღოლმა ასევე აღნიშნა, რომ საფრანგეთში ცუდი თარგმანის მიზეზით მღვდლებმა მიიღეს გადაწყვეტილება, რომ შეცვალონ “მამაო ჩვენოს" თარგმანის ოფიციალური ვერსია და აღნიშნული ფრაზა ითქმება ასე: “ნუ მიგვატოვებ ჩვენ განსაცდელში".