საქართველოს ექსპრეზიდენტი მიხეილ სააკაშვილი კიევში სპეცდანიშნულების რაზმმა დააკავა. სამართალდამცველებმა ის საკუთარ სახლში აიყვანა და ამ წუთებში ცდილობენ შენობიდან გაყვანას. სავარაუდოდ, მას საგამოძებო უწყებაში გადაიყვანენ.

ბრალის წარდგენის დროს სააკაშვილის ადვოკატები სახლში არ შეუშვეს.

შენობის გარეთ პარტიის აქტივისტები არიან მობილიზებული და სკანდირებენ. პოლიცია მათ მოუწოდებს ხელი არ შეუშალონ.

სააკაშვილის ადვოკატის რუსლან ჩერნოვუცკის განმარტებით, ორი რისკი არსებობს, ან ქვეყნიდან გაძევება, ან დაპატიმრება.