მალე საახალწლო აურზაური დაიწყება და ბაზრები თუ სხვადასხვა ტიპის მაღაზია-მარკეტები ხალხით გაივსება.მყიდველებს შორის შეიძლება ვერც კი შეამჩნიოთ ჯიბის ქურდები, რომლებიც ხშირად სულაც არ ჰგვანან კრიმინალებს, შესაძლოა შარვალ-კოსტუმში გამოწყობილი სიმპათიური ახალგაზრდა სწორედ თქვენს ჯიბეს უმიზნებდეს.ამიტომ, პირველი რჩევა იქნება, ნუ ენდობით გარეგნობასა და ჩაცმულობას.

კარგ ჩაცმულობასთან ერთად, წვრილმანი კრიმინალები ზოგჯერ მეტად გაბედულ ქმედებაზე გადადიან და ვერც კი წარმოიდგენთ, ნაყიდი საქონლისათვის თანხის გადახდის დროს რომ ფულს სწორედ ასეთ ადამიანს აძლევთ.საქმე ისაა, რომ ყიდვა-გაყიდვით გამოწვეული ქაოსის დროს, ზოგჯერ გამყიდველი ყურადღებას ვერ აქცევს კლიენტს და სწორედ ეს მომენტი(შეიძლება სულ რაღაც 10-15 წამი) აქვთ დაჭერილი კრიმინალ-აფერისტებს, რომლებიც რეალურად სხვის საქონელს გაყიდებენ, თანხას კი თავად იჯიბავენ.

ჯიბის ქურდები ხშირად მიმართავენ ქალების გაქურდვას, რადგან ფიქრობენ, რომ ისინი შიშის გამო აურზაურს არ ატეხენ, თანაც უფრო მარტივად აცარიელებენ ხელჩანთებს, ამიტომ ფრთხილად ქალბატონებო, ყურადღება მიაქციეთ თქვენს საყვარელ აქსესუარს.

კიდევ ერთი საფრთხე თქვენი გაქურდვის, თქვენი სამოსის გარეთა ჯიბეებია.ნუ ჩაიდებთ თანხას გარეთა ჯიბეებში.

საყიდლებზე წაიღეთ იმდენი თანხა, რამდენიც გჭირდებათ და ფრთხილად იყავით ტრანსპორტშიც, რადგან ქართული რეალობიდან გამომდინარე, გატენილ ტრანსპორტში საკმაოდ მარტივად აცარიელებენ ჯიბეებს კრიმინალები.