ქალაქი გორი ერთ-ერთი ძველი ქალაქია და გამომდინარე მისი ადგილმდებარეობიდან, მას ყოველთვის დიდი მნიშვნელობა ჰქონდა ჩვენი ქვეყნისათვის.ის შიდა ქართლისა და მთლიანად ქართლის გულს წარმოადგენს.თუმცა ქალაქ გორის ხსენებაზე, ყველა ქართველს სტალინის სახელი აგონდება. “დიდი ბელადი" სწორედ აქ დაიბადა 1878 წლის 21 დეკემბერს.

იოსებ ბესარიონის–ძე ჯუღაშვილის წარმომავლობაზე ზოგიერთი მკვლევარი ამბობს, რომ გვარი მომდინარეობს კახეთის ერთ-ერთი სოფლიდან, ჯუგაანიდან".ისტორიულ დოკუმენტებზე დაყრდნობით, ირკვევა, რომ სტალინის წინაპრები გორში დასახლებამდე ცხოვრობდნენ თბილისთან ახლოს, ლილოში.

გვარის წარმოშობის შესახებ, ზოგიერთი მკვლევარი იმასაც ამტკიცებს, რომ ის ოსური წარმომავლობისაა. “ჯუღა" ოსურად “ნაგავს" ნიშნავს.რაც ნაკლებად სარწმუნოა, რადგან ოსურ გვარებში მსგავსი ფუძის გვარები არ არსებობს.

მესამე ვერსიით, გვარი მომდინარეობს ძველი ქართული სიტყვიდან “ჯუღა", რაც ფოლადს ნიშნავდა. (აქედან სტალინი, რუსულად “სტალ" ფოლადს აღნიშნავს)

სტალინი გორში განსაკუთრებულად უყვართ.ქალაქის ცენტრში “დიდი ბელადის" უშველებელი ძეგლი ჯერ კიდევ სტალინის სიცოცხლეში დაიდგა 1952 წელს.გრანიტის 9-მეტრიან კვარცხლბეკზე ბრინჯაოსგან დამზადებული 6-მეტრიანი ქანდაკება იდგა. გორელების საყვარელი პიროვნების ძეგლის დემონტაჟი 2010 წლის 24-25 ივნისს მოხდა, რასაც დიდი აჟიოტაჟი მოჰყვა როგორც გორელებისაგან, ასევე პოლიტიკოსებისგანაც.

გორის მაცხოვრებლების უმრავლესობა უკმაყოფილებას გამოთქვამს ძეგლის დემონტაჟზე.მათი განცხადებით, სტალინი იყო პიროვნება, რომელმაც ფაშიზმი დაამარცხა და ეს მის სხვა უარყოფით ქმედებებს მთლიანად გადაფარავს.

სხვანი კი ამბობენ, რომ ის გენიოსი იყო და მარტო ამისთვის უნდა იყოს მისი ძეგლი ქალაქის ცენტრში აღმართული.