პავლოვის ავტობუსების ქარხანას(ПАЗ) ჯგუფი "გაზ"-იდან, წელს 85 წელი შეუსრულდა, საბჭოთა და რუსული ავტობუსების ბაზრის ლიდერმა თავის არსებობის მანძილზე 750 000 ავტობუსი დაამზადა, ეს არის რეკორდული რაოდენობა.

"პაზის"ხვედრითი წილი ბაზრის ანალოგიურ სეგმენტში 80%-ს შეადგენს, ქარხანა 100 სხვადასხვა მოდიფიკაციის ავტობუსს ამზადებს.

პავლოვის ქარხანა 1932 წელს აშენდა, თუმცა მისი თავდაპირველი ფუნქცია მძღოლებისთვის განკუთვნილი ხელსაწყოებით და ავტონაწილებით შემოიფარგლებოდა, მხოლოდ 1952 წელს მიიღო მთავრობამ გადაწყვეტილება, პავლოვის ქარხანას შეეცვლა პროფილი და ავტობუსების წარმოებაზე გადასულიყო.

ამვე წელს კონვეირიდან ჩამოვიდა პირველი ხუთი ავტობუსი ПАЗ-651, რომელიც სატვირთო ГАЗ-51-ის ბაზაზე იყო აწყობილი.

1958 მზადდება პირველი უკაპოტო, ვაგონის ტიპის ავტობუსი ПАЗ-652, რომელიც გათვალისწინებული იყო რაიონებს და ქალაქგარეთ მარშუტებისთვის.

1968 წლიდან პირველად საბჭოთა ავტობუსების წარმოების ისტორიაში მთავარი კონვეირის გაჩერების გარეშე ქარხანა ამზადებს გაუმჯობესებულ მოდელს ПАЗ-672-ს.

1989 წლიდან მზადდებაПАЗ-3205 და მისი 30-დე სხვადასხვა მოდიფიკაციის მოდელი.

2000 წელს, "პაზი" გაერთიანდა სამრეწველო ჯგუფ "ძირითად ელემენტში". ამ წლების განმავლობაში შეიქმნა ავტობუსების 100-ზე მეტი სახეობა. ავტობუსი "პაზი" არაერთხელ დააჯილდოვა მაღალი ჯილდოებით უმსხვილესი ინდუსტრიულ გამოფენებზე კატეგორიაში "საუკეთესო ქალაქი ავტობუსი" და "საუკეთესო პატარა ავტობუსი".

2009 წელს ქარხანამ ახალი ПАЗ--3204 -ის სერიული წარმოება დაიწყო. 2011 წელს "პაზის" სპექტრი ადაპტირებული იქნა ახალი "ევრო -4"-ის გარემოს დაცვის სტანდარტზე. 2013 წელს დამზადდა ავტობუსები ბუნებრივ გაზზე მომუშავე ძრავებით.

2011 წელს დაიწყო ახალი ავტობუსების "Вектор"-ის წარმოება. ახალი სერია აერთიანებს სხვადასხვა სიგრძის, კლასის და დანიშნულების ავტობუსებს. ავტობუს Вектор"-ის " მოდიფიკაციები უზრუნველყოფს მგზავრთა ნაკადის სხვადასხვა ინტენსივობით მოძრაობის ოპტიმალურ გადაწყვეტას.

2016 /2017 წლებში დაიწყო გაუმჯობესებული «Вектор NEXT»-ის წარმოება, რომელიც 2018 წლის მსოფლიო ჩემპიონატის დროს მოემსახურება ქალაქელებს და სტუმრებს.

იხილეთ აგრეთვე