"შვიდი" დიდი ხნის განმავლობაში ჯადოსნურ რიცხვად ითვლებოდა. ბაბილონელები შვიდ პლანეტას იცნობდნენ, შვიდდონიან ტაძრებს აგებდნენ და კვირაში შვიდი დღე ჰქონდათ. "შვიდი" მრავალ რელიგიაში წმინდა რიცხვად ითვლება: ებრაულ სანდალს ანუ მენორას შვიდი განშტოება ჰქონდა, ხოლო ბიბლიაში ეს რიცხვი 500-ჯერ მეტჯერ მოიხსენიება. ალბათ, იმიტომ, რომ ბედნიერების მომტან რიცხვად ითვლება. ასევე ძალიან ხშირად გვხვდება ანდაზებსა და გამოთქმებში. შვიდი ობიექტისაგან შემდგარი სია ყველაზე გრეძლი სიაა, რომელსაც ადამიანი ადვილად იმახსოვრებს.

შვიდი სასიკდილო ცოდვა:

-გაუმაძღრობა

-სიზარმაძე

-ვნება

-პატივმოყვარეობა

-მრისხანება

-შური

-სიხარბე

ეს ცოდვები ბიბლიაში ნახსენები არაა, მაგრამ ქრისტიანმა მწერალმა თომა აქვინელმა მათ ყველაზე საშინელი ცოდვები უწოდა, რისთვისაც სასჯელი ძალიან მკაცრი უნდა ყოფილიყო.

ცისარტყელას შვიდი ფერი-სინათლე იმ გამოსხივების ნაწილია, რომელსაც ელექტრომაგნიტური სპექტრი ეწოდება. ის უხილავ რადიოგამოსხივებასაც შეიცავს და რენტგენის სხივებსაც. თეთრი სინათლე შვიდი ფერისგან: წითლის, ნარინჯისფრის, ყვითლის, მწვანის, ცისფრის, ლურჯისა და იისფრისგან შედგება, მაგრამ ამ ცალკეული ფერების დანახვა მხოლოდ განსაკუთრებულ პირობებშია შესაძლებელი. როდესაც მზის სინათლე წვიმის წვეთებს ეცემა, ის იშლება, წვეთებში გარდატყდება და ცისარტყელას ქმნის.

შვიდი ჯუჯა-ფიფქიასა და შვიდი ჯუჯას ცნობილი ზღაპარი მე-19 საუკუნის გერმანელმა მწერლებმა ძმებმა გრიმებმა თავიანთი ზღაპრების კრებულში შეიტანეს. ჯუჯებს 1937 წელს უოლტ დისნეის ნახატ ფილმში შეერქვათ სახელები-მორცხვი, ჭჯუის კოლოფი, გაბრუებული, ბუზღუნა, მხიარული, მძინარა და ცემინა.

ისევ "შვიდი":

* ადამიანის შვიდი ასაკი (შქსპირის პიესიდან "როგორც გენებოთ"): ჩვილი, სკოლის მოსწავლე, შეყვარებული, ჯარისკაცი, მოსამართლე, სულელი მოხუცი და ბოლოს, მეორე ბავშვობა და უბრალო დავიწყება (სიკვდილი).

* შვიდი ცა (ისლამი): ვერცხლის ცა, ოქროს ცა, მარგალიტის ცა, თეთრი ოქროს ცა, ლალისა და გრანატის ცა, თვთიური სინათლის ცა.

* შვიდი სათნოება: რწმენა, იმედი, გულმოწყალება, სამართლიანობა, თავშეკავება, მომჭირნეობა, სულის სიმტკიცე...