დღეს განათლებისა და ძეგლთა დაცვის სამინისტრომ ქალაქ ბათუმის #26 საჯაროს სკოლის სსსმ მოსწავლეები გონიო-აფსაროსის ციხეში დაპატიჟა. მოსწავლეებს საინტერესო მასპინძლობა გაუწია ძეგლთა დაცვის სამინისტრომ და გონიოს ციხის ადმინისტრაციამ. სტუმრებმა დააგემოვნეს უძველესი რომაული პური და ღვინო. მოსწავლეებმა მონაწილეობა მიიღეს არქეოლოგიურ გათხრებში, ხოლო შემდეგ მათ ორთაბრძოლის სცენები იხილეს.

აღსანიშნავია, რომ ქალაქ ბათუმის #26 საჯარო სკოლა ერთადერთია საქართველოში, სადაც მოწყობილია ე.წ. სახელოსნოები სსსმ მოსწავლეებისთვის, რათა ისინი მოემზადონ პროფესიული სასწავლებლებისათვის.