დედობა არის გმირობა, ღირსება ქალისა, მიუხედავად იმისა, რომ დედის ინსტიქტი ყველა ქალს არ გააჩნია. კრიტიკა და დისკუსია გამუდმებით ხდება ამ საკითხზე, ხშირად ვაუბრალოებთ და ვაუფასურებთ დედების შრომას, და დაუძლეველ წინააღმდეგობებს ვუქმნით იმ ქალებს, რომლებსაც ადვილად არ გამოსდით დედობრივი მოვალეობების განხორციელება. რა უფრო უარესია, ის, რომ დედები აბორტს (ორსულობის შეწყვეტა) იკეთებენ და ამ გზით იშორებენ შვილს (სქესის, მატერიალური პირობების და სხვა ფაქტორების გამო), თუ ქალები, რომლებიც ფულზე ყიდიან დედობას? დღევანდელ სტატიაში სუროგაციაზე ვისაუბრებთ.

სუროგაცია დღეს ფართოდ გავრცელებული, ქალისთვის ერთ–ერთი მარტივი გზაა ფულის ადვილად საშოვნელად– სწორედ ასე აკრიტიკებს საზოგადოების დიდი ნაწილი ფულზე გაყიდულ ან უბრალოდ სიკეთის მკეთებელ დედებს. ვიცით, რომ უშვილო წყვილისთვის სუროგატი დედა არის უბრალოდ ჭურჭელი, მისი საშვილოსნო გამოიყენება ბავშვის იმპლანტაციისთვის, რომელსაც ცხრა თვე მუცლით ატარებს და ამ ქვეყნად მოვლენის წამიდან "ბიოლოგიურ მშობლებს" გადასცემს. სუროგატი დედობა რთული გადაწყვეტილებაა და ქალები გადიან ფსიქოლოგიურ და სამედიცინო ტესტირებას იმის დასადასტურებლად, რომ მზად არიან დაეხმარონ უშვილო წყვილებს, გახდნენ მშობლები და ბავშვის გენეტიკასთან არავითარი კავშირი არ აქვთ.

როგორც ხედავთ, დიდი დანაშაული არ მიუძღვით ქალებს, რომლებიც ამხელა სიკეთეს იჩენენ იმ წყვილების მიმართ, რომელთაც წლების მანძილზე კლავთ სურვილი გახდნენ მშობლები, ეს ხომ სიკეთის ტოლფასია და განსხვავდება იმ ქალებისგან, რომლებიც ჩვილებს ბუნკერთან, ბავშვთა სახლებში ტოვებენ, ან სულაც იკეთებენ აბორტს.

სუროგაცია– ფულზე გაყიდული დედობა თუ სიკეთე, საზოგადოების ერთ–ერთი გნკითხვადი თემაა. თქვენ როგორ ფიქრობთ, უნდა მოეშვას თუ არა საზოგადოება სუროგატი დედების დადანაშაულებას, მიუხედავად იმისა, რომ ისინი 15000–დან 30000$–მდე თანხას იღებენ ამის სანაცვლოდ?!

სტატიის ავტორი: მეამეა