ნარკვევები ნაპოლეონის გამონათქვამები და მაქსიმები. ( ნაწილი III ) 2017, 6 აგვისტო, 12:47 - სისუსტე წარმოსდგება მცონარებისა და საკუთარი თავისადმი უნდობლობისაგან. უბედურია, ვინც სუსტია ამ ორი მიზეზისა გამო: თუ საქმე ეხება კერძო პირს, ის არარაობაა, თუ მონარქს - ის ორმაგად უბადრუკია. - გამარჯვებას რაოდენობით როდი აღწევენ. ალექსანდრემ ოცი ათასი მაკედონელით დაამარცხა სამასი ათასი სპარსი. თავხედურ შეტევებს მეც კარგად ვაგვირგვინებდი. - ზოგიერთნი ჩვენ მიმართ თავაზიანობას იჩენენ, მაშინ როდესაც სხვები შეურაცხგვყოფენ. როგორც ერთ, ისე მეორე შემთხვევაში ადამიანებს მართებთ შეინარჩუნონ უაღრესი სიფრთხილე. რადგანაც უცილობლად უნდა გვესმოდეს, რა იმალება ამ თავაზიანობის იქით. - დამნაშავეობასთან ყოველგვარი გარიგება ლაქას სცხებს ტახტს. - ყოველი მხრიდან დაბზარულ საზოგადოებრივ სისტემას უახლოეს ხანში დანგრევა ელის. - მეომარი და მოხელე იშვიათად არის იმის მემკვიდრე, რასაც სიმდიდრე ჰქვია. ამიტომ ისინი უნდა ჯილდოვდებოდნენ პატივისცემითა და ყურადღებით. პატივისცემა აათკეცებს ღირსების გრძნობას, რაც ჭეშმარიტი ძალაა ერისა. - ხალხს საკუთარი აზრი აქვს, ვიდრე შეცდომაში არ შეიყვანენ დემაგოგები. - კანაში ჩემი გადასვლისას პარიზული გაზეთები აჭრელდნენ სათაურებით: "ბონაპარტეს ამბოხი"; ხუთი დღის შემდეგ: "ბონაპარტე გრენობლში შევიდა"; თერთმეტი დღის შემდეგ: "ნაპოლეონი ლიონში შევიდა"; ოცი დღის შემდეგ: " იმპერატორი ტიუილრიშია"; ეძებეთ ამის შემდეგ გაზეთებში საზოგადოებრივი აზრი. - არც ოქრო და არც ვერცხლი ისე არ მაკლდა, როგორც შაქარი და ყავა, -ამიტომ იყო, რომ კეთილშობილმა ქალებმა არ მაპატიეს კონტინენტალური ბლოკადა. - როგორც ჩანს, წარსულში ხელმწიფეთა ასი ფავორიტიდან, სულ მცირე, ოთხმოცდაათი მაინც იქნა ჩამოხრჩობილი. - შეიძლება ჭარბად უბოძო ბაფთები კურტიზანებს, მაგრამ ეს სრულიადაც არ აქცევს მათ ადამიანებად. - თვითმკვლელობა უდიდესი დანაშაულია. რა სიმამაცე უნდა ჰქონდეს იმას, ვინც თრთის ბედისწერის უკუღმართობის წინაშე? ჭეშმარიტი ჰეროიზმი იმაში მდგომარეობს, რომ ცხოვრების ბედუკუღმართობაზე მაღლა დადგე. - მე მეზიზღება ილუზიები. აი, რატომ ვიღებ სამყაროს ისეთად, როგორიც არის. - მე ვაიძულე ჩემი საკუთარი მტრები ან ჩემი დიდების მსახურნი ყოფილიყვნენ, ან მომკვდარიყვნენ ჩემთან ერთად - აი, რა არის ჩემი მმართველობის განსაკუთრებული თავისებურება. - უნდა მისდიო ფორტუნას მთელი მისი კაპრიზებით და შეასწორო ისინი, რამდენადაც ეს შესაძლებელია. - აქვე... დაჟინებული წინ სვლა! ნაპოლეონის ბრინჯაოს ქანდაკება საპორტო ქალაქ შერბურ-ოქტევილში, საფრანგეთის ჩრდილო-დასავლეთით მდებარე ნორმანდიის რეგიონში. არმან დე ვილის ეს შედევრი დაიდგა1858 წელს. 231 1-ს მოსწონს
|