დღეს 31 მარტს საქართველო ორ დღეს აღნიშნავს.საქართელოს პირველი პრეზიდენტის, ეროვნული გმირის ზვიად გამსახურდიას დაბადების დღეს და მეორე:1991 წლის 31 მარტის საყოველთაო-სახალხო რეფერენდუმზე შეკითხვას "ხართ თუ არა თანახმა, რომ აღდგეს საქართველოს სახელმწიფოებრივი დამოუკიდებლობა 1918 წლის 26 მაისის აქტის საფუძველზე?" საქართველოს საარჩევნო ხმის უფლების მქონე მოსახლეობის 98%-მა დადებითად უპასუხა, რის შედეგადაც 1991 წლის 9 აპრილს საქართველოს რესპუბლიკის უზენაესმა საბჭომ სახელმწიფოებრივი დამოუკიდებლობის აღდგენა გამოაცხადა.

დღემდე ზვიად გამსახურდიას გარშემო გავრცელებულია ორი, რადიკალურად ურთიერთსაპირისპირო შეფასება მისი წვლილისა უახლოეს საქართველოს ისტორიაში.

დღეს გთავაზობთ იმ პოზიციას, რის გამოც აწ გარდაცვლილ პრეზიდენტს ოპონენტები ედავებიან:

1) 1989 წლის 9 აპრილის ღამე-რა თქმა უნდა მარტო ზვიად გამსახურდიას დადანაშაულება არასამართლიანი იქნება, 9 აპრილის ღამე მთლიანად ეროვნული მოძრაობის ლიდერების კისერზეა.რუსთაველის გამზირზე მიმდინარე აქციაზე საქართველოს კათალიკოს-პატრიარქის მოწოდების იგნორირება, რასაც საბოლოოდ მსხვერპლი მოყვა, ხოლო მეორე დილით თბილისში მაინც ჩადგა რუსული ჯარი და კომენდატის საათი გამოცხადდა.კიდევ ის ფაქტიც, ეროვნული მოძრაობის არც ერთი ლიდერი არ დაშავებულა იმ ინციდენტში.

2)არასწორი და არაპროფესიონალი კადრების შერჩევა(როგორც მაშინ ხალხი მათ"გიჟებს" უწოდებდა), მათ შორის არ დაგავიწყდეთ დაწინაურებული ასლან აბაშიძე და ვლადისლავ არძინბაც, რომლებმაც ცოტა ხანში დიდი პრობლემები შექმნეს.

3)ნაციონალისტური ლოზუნგები საქართველოში მცხოვრებ ეროვნულ უმცირესობებზე, რომელიც შემდგომ სეპარატიზმის გაღვივებას შეუწყო ხელი("გადამთიელები", "ოსი ხალხი არის ნაგავი, რომელიც უნდა გაიხვეტოს როკის გვირაბით რუსეთში".სტუმარი "აფსუები" რომელებიც უნდა გახდნენ ნამდვილი აფხაზები და ა.შ)

4) ეკონომიკური ბლოკადა-საქართველოს ფაქტობრივ იზოლაციაში მოქცევა, რამაც სრულ კოლაფასამდე მიიყანა ისედაც თავდაღმა მიმავალი ეკონომიკა.

5)ეროვნული გვარდიის დაშლა- აგვისტოს თვეში მოსკოვში სამთავრობო გადატრიალების ხელმძღვანელ "საგანგებო მდგომარეობის სახელმწიფო კომიტეტის" მოთხოვნების შესაბამისად, საქართველოს ეროვნული გვარდიის დაშლის ბრძანების გაცემა.

6)შემოქმედებით ინტელიგენციის წინააღმდეგ გავრცელებული იდეური დევნა, რამაც თითქმის მთელი ინტელიგენციიის მის წინააღმდეგ ამხედრება გამოიწვია.

7) მანანა არჩვაძე-გამსახურდიას ხელისმოწერა საქართველოს დამოუკიდებლობის აქტზე.

8) 1991 წლის აგვისტოს პუტჩის მცდელობის შემდეგ გახმაურებულმა განცხადებამ, რომლის მიხედვითაც გამსახურდია შეუთანხმდა საბჭოთა ჯარების მმართველობას საქართველოს ეროვნული გვარდიის განიარაღებაზე. ამავე განცხადებით ეროვნული გვარდიის მეთაურის პოსტი გაუქმდა, ხოლო მისი წევრები საქართველოს შინაგან საქმეთა სამინისტროს შინაგან ჯარებს დაექვემდებარებოდნენ.

9) 1993 წელს ზვიად გამსახურდიას საქართველოში დაბრუნების შედეგად ხელისუფლებისთვის ბრძოლის განახლების უაღრესად ნეგატიური გავლენა აფხაზეთის კონფლიქტის მიმდინარეობაზე: მისი მოწოდებით დაირღვა საქართველოს ძველ და ახალ ხელისუფლებათა მომხრე სამხედრო შენაერთებს შორის არსებული კავშირი, რამაც საბოლოოდ 1993 წლის ოქტომბერში დასავლეთ საქართველოში სამოქალაქო ომის გაჩაღებას შეუწყო ხელი.

10)1978 წელს დისიდენტური საქმიანობის საჯაროდ მონანიების ფაქტი.