ჩვენ ყოველდღიურად ვკარგავთ თმის გარკვეულ რაოდენობას, ეს ნორმალური პროცესია. თუმცა, როდესაც დიდი რაოდენობით თმა გვცვივა ეს უკვე პრობლემაა. თმის ცვენას უამრავი ფაქტორი განაპირობებს : სტრესი, დაბერების პროცესი, არასწორი კვება, ჰორმონალური დისბალანსი, ნიკოტინზე დაკოდებულება, ფარისებრი ჯირკვლის დარღვევები, აუტოიმუნური დაავადებები და სხვა.

საბედნიეროდ, არსებობს ბუნებრივი პროდუქტები, რომელთა საშუალებითაც გაუმკლავდებით ამ პრობლემას:

2 ს/კ აბუსალათინის ზეთი;

1 კვერცხის გული;

1 ს/კ თაფლი.

მომზადების წესი:

ყველა ინგრედიენტი შეურიეთ თასში ერთმანეთს. კარგად შეიზილეთ თმის ძირებზე, დაიფარეთ საშხაპე ქუდი და გაიჩერეთ 2 საათით. შემდეგ, დაიბანეთ თმა რბილი შამპუნითა და კონდიციონერით. ეს რეცეპტი გამოიყენეთ კვირაში ერთხელ და 2 თვის განმავლობაში.

ამ ნივთიერებების სასარგებლო თვისებები:

აბუსალათინის ზეთი - გამოიყენება თმის, წამწამების და წარბების ზრდის სტიმულირების მიზნით.აბუსალათინის ზეთი არის ძალიან ეფექტური საშუალება მშრალი, მტვრევადი და დაზიანებული თმის სამკურნალოდ. ატენიანებს რა თმას და თავის კანს, მას აქვს თმის აღმდგენი მოქმედება;

კვერცხის გული- შეიცავს დიდი რაოდენობით ვიტამინებსა და მინერალებს. როგორიცაა რკინა, კალციუმი, ვიტამინი A, მაგნიუმი, კალიუმი, B6, B12, D, E, K, და ასევე შეიცავს ამინომჟავებს;

თაფლი-შეიცავს დიდი რაოდენობით ვიტამინ B1, B2, B6, B12, P, C, PP, ფოლიუმის მჟავას, ვიტამინ K და სხვა. იგი აუმჯობესებს თმის სტრუქტურას და არბილებს მას.

იხილეთ აგრეთვე:

ვაშლის ძმარი- თმის ცვენისა და დაზიანებული ბოლოების მკურნალი!

10 შეცდომა, რომელსაც თმის მოვლისას ვუშვებთ

10 ვარცხნილობა, რომელიც მინიმუმ 5 წელს მოგაკლებთ!

თავის მოვლის 10 მარტივი ხრიკი, რომელზეც აქამდე არაფერი იცოდით!