კითხვაზე, არსებობს თუ არა მუსიკა, რომელიც ყველას მოსწონს, გემოვნების მიუხედავად, პასუხი მხოლოდ ერთი შეიძლება იყოს – ეს არის მუსიკალური კომპოზიცია «Le Vent, Le Cri», რომელიც 1981 წელს დაიწერა, ფილმისთვის «პროფესიონალი». ენიო მორიკონემ შედევრი შექმნა, რომელსაც შეუძლია ნებისმიერი ადამიანის გულისკე გაიკვალოს გზა და სული ააფორიაქოს.
შეიძლება ითქვას, რომ ფილმმა – «პროფესიონალი», მსოფლიო აღიარება, ნაწილობრივ ამ გულისამაჩუყებელი მელოდიის წყალობით მოიპოვა. 1982 წელს მან «სეზარი» (ფრანგული კინოპრემია) მიიღო, ფილმში შესრულებული მუსიკის კატეგორიაში. რა თქმა უნდა, უნიჭიერესი მსახიობი ჟან-პოლ ბელმონდო, რომელიც ფილმში მთავარ როლს ასრულებს, სამუდამოდ დაუკავშირდა ამ მელოდიას და ვინც მსახიობს ხედავს, ყოველთვის «Le Vent, Le Cri» ახსენდება, ხოლო კომპოზიციის მოსმენისას – ფრანგი მსახიობი.