დიზაინერები საოცარი ხალხია. ისინი დღედაღამ იმაზე ფიქრობენ, როგორ გახადონ ჩვენი ცხოვრება უფრო კომფორტული, სასიამოვნო და საინტერესო.

შემოგთავაზებთ რამდენიმე გონებამახვილურ გამოგონებას, რომელიც შთაბეჭდილების გარეშე არ დაგტოვებთ.

1. "უნაგირი" მამებისთვის

ეს გამოგონება ფანტასტიურია იმ ბავშვებისთვის, რომლებსაც გადაადგილება მამის მხრებზე მოკალათებულებს უყვართ. ამასთანავე, მამას ხელები თავისუფალი აქვს და შეუძლია, თავისუფლად ისაუბროს მობილურზე ან გააკეთოს სხვა რამ.

2. ფეხსაცმელი, რომელიც ზუსტად ერგება თქვენს ფეხს

ეს იდეა იაპონელ დიზაინერს, Masaya Hashimoto -ს ეკუთვნის. სპორტული ფეხსაცმელი, რომელიც იდეალურად ერგება თქვენს ფეხს, კომფორტული და სასიამოვნოდ სატარებელია.

3. ფეხსაცმელები მოსახსნელი ქუსლით

ახლა უკვე მარტივად შეძლებთ მოსახერხებელი დაბალქუსლიანი ფეხსაცმლის გადაკეთებას მაღალქუსლიანად. დიზაინერმა Tanya Heath-მა გამოიგონა ფეხსაცმელები, რომლებსაც მრავალფეროვანი, განსხვავებული ქუსლები ემაგრება. ფეხსაცმელები მოეწონებათ იმ ქალბატონებს, რომლებსაც სურთ, ატარონ ლამაზი ქუსლიანები, მაგრამ, ამასთანავე, სწრაფად სიარულიც ხშირად უწევთ.

4. მოდური ონკანი, რომელიც წყალს ზოგავს

ახალგაზრდა დიზაინერმა, Simin Qiu -მ შექმნა ონკანი, რომელიც, გარდა იმისა, რომ მოდურად გამოიყურება, თავისი უნიკალური დიზაინით გეხმარებათ წყლის დაზოგვაში. იგი ზოგავს 15% -ით მეტ წყალს, ვიდრე ჩვეულებრივი ონკანები.

5. მოძრავი კიბე ხეზე ასასვლელად

ბევრი ზრდასრული უარს ამბობს ხეზე ცოცვაზე, რადგან დაშავების ეშინიათ. თუმცა, ასეთი კიბის დახმარებით თქვენ უკვე შეგიძლიათ ნებისმიერ ხეზე თავისუფლად ასვლა, დაზიანებების და უბედური შემთხვევების რისკების გარეშე. კიბე ადვილად ემაგრება ყველანაირ ხეს.

6. სუპერგმირი, რომელიც თქვენს წიგნებს იჭერს

ასეთი სუპერგმირი მართლაც შთაბეჭდილებას მოახდენს თქვენს სტუმრებზე. თუ ბოლო ფოტოს კარგად დააკვირდებით, მიხვდებით, რაშია სუპერგმირის საიდუმლო.

7. ყავის ჭიქა, რომელიც კოცნას გჩუქნით

გამოგონება Jang Woo Seok -ს ეკუთვნის. "მე მიყვარს ორივე: ყავის დალევაც და ხალხის კოცნაც, ახლა შემიძლია, ორივე ერთდროულად ვაკეთო", ამბობს ის.

8. იარაღები "ბალიშებით ბრძოლისთვის"

სამყარო გაცილებით მშვიდი იქნებოდა, თუ ჩვენს ბრაზს მხოლოდ ბალიშებით ბრძოლაში ამოვანთხევდით. იმ ხალხისთვის, ვისაც ბალიშებით ბრძოლა უყვარს, დიზეინერმა Bryan Ku -მ სხვადასხვა ფორმის "იარაღები" შექმნა.

9. მოწყობილობა, რომელიც ხვალინდელ ამინდს გიჩვენებთ

Ken Kawamoto იყო კომპიუტერული პროგრამების მენეჯერი, რომელსაც ჰქონდა იმის ამბიცია, რომ ციფრული და რეალური სამყარო გაეერთიანებინა. მან საბოლოოდ გამოიგონა მოწყობილობა, რომელიც ვიზუალურად გიჩვენებთ ხვალინდელ ამინდს. თუ მოსალოდნელია ავდარი, ის ციმციმებს, როგორც ნამდვილი ელვა. წყლის წვეთები იმ შემთხვევაში გამოჩნდება, თუ წვიმას უნდა მოველოდეთ. მართლაც საოცარია! ერთადერთი პრობლემა ის არის, რომ მოწყობილობას ჯერჯერობით თოვლის ჩვენება არ შეუძლია.