დღეიდან ბარაკ ობამა და მიშელ ობამა ამერიკის შეერთებული შტატების ყოფილი პრეზიდენტი და ყოფილი პირველი ლედი არიან. ისინი ჩვეულებრიფ ყოფას დაუბრუნდნენ და ისევ ამერიკის რიგითი მოქალაქეები არიან.

17 იანვარს მიშელ ობამამ 53 წლის იუბილე აღნიშნა, რაც მისთვის თეთრ სახლში გატარებული ბოლო დაბადების დღე იყო. მიშელი ჩიკაგოს სამხრეთ ნაწილში დაიბადა და გაიზარდა. საშუალო სკოლის დამთავრების შემდეგ განათლება პრინსტონის უნივერსიტეტსა და ჰარვარდის იურიდიულ სკოლაში მიიღო, რის შემდეგაც დაბრუნდა ჩიკაგოში და მუშაობა დაიწყო ჯერ იურიდიულ ფირმაში, შემდეგ კი ჩიკაგოს მერიაში. მისი სიყვარულის ისტორია 1989 წლიდან დაიწყო და დღემდე გრძელდება. მისი რჩეული ასევე იურისტი, წარმოშობით კენიელი ბარაკ ობამა გახდა და არჩევანში ნამდვილად არ შემცდარა. ბარაკი და მიშელი 1992 წელს დაოჯახდნენ და დღემდე გამორჩეული და მისაბაძი ოჯახი აქვთ, რაც ძალიან იშვიათია. მათ ორი გოგონა
ჰყავთ, რომლებიც ასევე გამორჩეულები არიან არამხოლოდ მშობლების გამო. მიშელი იმ ძლიერ ქალთა რიცხვს მიეკუთვნება, რომელმაც მეუღლის წარმატებაში ძალზედ დიდი წვლილი შეიტანა. ერთმანეთის სიყვარული და თანადგომა კი მათ მართლაც მისაბაძ პიროვნებებად ქმნის.



ბარაკ ობამა და იმ დროისთვის მისი საცოლე მიშელი, კენია, 1992 წელი.

მიშელი და ბარაკ ობამები ინაუგურაციის შემდგომი წვეულებისას
ლიფტში, 2009 წლის 20 იანვარი.