თავის ტვინი – ყველაზე მნიშვნელოვანო ორგანოა ადამიანისთვის. ის წარმოადგენს ჩვენი ორგანიზმის მართვის ცენტრს. ტვინი წარმოუდგენელი რაოდენობის ოპერაციას ასრულებს სულ რაღაც წამებში და ამასთან პასუხისმგებელია მეხსიერებაზე.

ამ ორგანოს რთული და სპეციფიკური სტრუქტურა საკმაოდ დაუცველია, რის გამოც შესაძლოა სერიოზული დაავადებები განვითარდეს. ყოველ დღე, გაუცნობიერებლად ჩვენ თავად ვუქმნით საფრთხეს მის ჯანსაღ ფუნქციონირებას.

სტატიაში გვსურს თქვენი ყურადღება გავამახვილოთ იმ 12 მავნე ჩვევაზე, რომელიც სერიოზულ ზიანს აყენებს თავის ტვინს:

ძილის შემდეგ ჩვენს ორგანიზმს საკვები სჭირდება, რათა გარდაქმნას ის ენერგიად და სასარგებლო ნივთიერებებად. საუზმისგან თავის არიდებით, ტვინი "ექსტრემალური ფუქციონირების" რეჟიმზე გადადის, რაც დიდ გავლენას ახდენს მთელს ორგანიზმზე.

მეცნიერთა აზრით ტვინის ნორმალური ფუნქციონირებისთვის ზრდასრულმა ადამიანმა დღე-ღამეში 7-დან 9 საათამდე უნდა იძინოს. ყველასათვის ცნობილი ფაქტია, რომ უძილობის შემთხვევაში ადამიანს შესაძლოა პრობლემები შეექმნას ყურადღების კონცენტრირებისას. ასევე მათ უჭირთ კონკრეტული გადაწყვეტილებების მიღება და სხვებთან ურთიერთობა. სავარაუდოდ, ბევრმა არ იცის, რომ ძილის ნაკლებობა იწვევს ნეირონების დაზიანებასა და ტვინის კოგნიტური ფუნქციების გაუარესებას.

დღეს საკმაოდ რთულია ისეთი პროდუქტის ნახვა, რომელიც შაქარს არ შეიცავს. თუმცა, ისეთი საკვებიც არის, სადაც შაქრის შემცველობა ძალიან მაღალია და აუცილებელია მისი გამორიცხვა კვების რაციონიდან. სისხლში შაქრის მაღალი შემცველობა ხელს უშლის სასარგებლო ნივთიერებების შეთვისებას, რაც დამღუპველად მოქმედებს ტვინის მუშაობაზე.

გარდა იმისა, რომ ზედმეტი საკვების მიღება წონაში მატებას იწვევს, ის ცუდ გავლენას ახდენს არტერიებზე, რომელიც თავის მხრივ აფერხებს ტვინის მუშაობის პროცესს.

ერთი ნაფაზის დარტყმისას მწეველი შეისუნთქავს 7000 ტოქსიკურ ნივთიერებას. აქედან უმეტესობა გულის შეტევის, ინსულტისა და სიმსივნის განვითარების პროვოცირებას ახდენს. ნიკოტინი სისხლძარღვების შევიწროვებას იწვევს და ის ნივთიერებები, რომლსაც თამბაქოს კვამლი შეიცავს ასევე ხელს უწყობენ ადამიანის ტვინის უჯრედების კვდომას.

ძილის დროს აუცილებელია სუფთა ჰაერი, ამიტომ რეკომენდირებული ოთახის განიავება დაწოლამდე. და თუ ჩვევად გაქვთ თავზე საბნის და პლედის გადაფარება, საკმარისი რაოდენობის ჰაერს ვერ იღებთ, ეს კი იმას ნიშნავს, რომ ნახშირორჟანგის დონე მატულობს, რაც დიდ ზიანს აყენებს თავის ტვინს.

როგორც მეცნიერები თვლიან, ნარკოტიკული ნივთიერებები იმიტომ იწვევს მიჩვევას, რომ ნარკოშემცველი პრეპარატების მიღებისას ტვინის უჯრედები კვდება, შესაბამისად, ადამიანს უჭირს ამ მდგომარეობიდან გამოსვლა და გამოჯანმრთელება. განმეორებადი მიღება უკეთ ყოფნის ცრუ შეგრძნებებს იწვევს, სინამდვილეში კი ადამიანი ტვინის უფრო მეტ უჯრედს კლავს.

ამ უმნიშვნელოვანესი ორგანოს ჯანმრთელობისთვის საჭიროა დიდი რაოდენობით სუფთა ჰაერი. ქალაქის პირობებში ამის მიღწევა რთულია. ამიტომ ეცადეთ ხშირად გახვიდეთ და განიტვირთოთ ქალაქგარეთ.

როდესაც ავად ვართ, ჩვენი ორგანიზმი გვატყობინებს რომ მისი რესურსები იწურება და დასვენებაა საჭირო. ეს პირველ რიგში ეხება ჩვენს თავის ტვინს. აქტიური გონებრივი მუშაობა ავადმყოფობის დროს ამცირებს მისი ფუნქციონირების ეფექტურობას და იწვევს დარღვევებს.

სპირტული სასმელების მიღების შედეგად იწყება ადამიანის ორგანიზმის დეჰიდრატაცია. რადგანაც ტვინის 75% წყლისგან შედგება, ეს სერიოზულ ნეგატიურ გავლენას ახდენს მასზე. წყლის ნაკლებობისას ადამიანის ორგანიზმი მთელ დარჩენილ მარაგს ტვინისკენ აგზავნის, იმ მიზნით რომ ხელი შეუწყოს მის მუშაობას, ეს კი თავის მხრივ ტვინის შეშუპებას იწვევს. ამის შედეგად ხშირად ხდება შეტევები, რაც ძალიან ცუდ გავლენას ახდენს ტვინის ნორმალურად ფუნქციონირებაზე.

უმნიშვნელო სტრესი, მეცნიერთა აზრით, ეხმარება ადამიანს რთული ამოცანების გადაჭრისას კონცენტრირებაში. მაგრამ მუდმივი სტრესი ფიტავს მას, ართმევს სიცოცხლის ძალასა და ენერგიას, ხელს უშლის ყურადღების მობილიზაციის პროცესს. ქრონიკული სტრესი იწვევს მთელ რიგ ცვლილებებს ადამიანის ტვინში, რამაც შემდგომში შესაძლოა ფსიქიკური აშლილობის პროვოცირება მოახდინოს.

საუბრები ეხმარება ტვინს განვითარებაში, რაც შეეხება ინტელექტუალურ საუბრებს –ხელს უწყობს ახალი ნეირონული კავშირების წარმოქმნას, რომელიც პოზიტიურად მოქმედებს ამ ორგანოს მუშაობის პროცესზე. რაც შეეხება აზროვნების პროცესს, ის დადებითი ცვლილებების პროვოცირებას იწვევს თავის ტვინის ქერქში. ეს ძლიერი ინსტრუმენტია ამ უმნიშვნელოვანესი ორგანოს განვითარებისა და ფუნქციონირებისთვის.