სახეზე თმა ეს ქალების №1 პრობლემაა. უმრავლეს შემთხვევაში ქალებს თმიანობა ტუჩების ზედა ნაწილში აწუხებთ.

თანამედროვე კოსმეტოლოგიაში არასასურველი თმისგან განთავისუფლების უამრავი მეთოდი არსებობს, მაგრამ ამ სტატიაში მინდა შემოგთავაზოთ თმის ბუნებრივი მოცილების საშუალება, რომელიც სამუდამოდ გაგანთავისუფლებთ მისგან.

ვიტამინებით და მინერალებით მდიდარი ნარევის უპირეტესობა იმაში მდგომარეობს, რომ იგი თქვენს კანს ასწორებს, ანაზებს და ელასტიურობას სძენს. კანი ეს ის ორგანოა თქვენს სხეულზე, რომელიც ყველაფრის მიმართ მგრძნობიარეა და ძალიან დიდი მნიშვნელობა აქვს იმას, თუ რას წაისმევთ მასზე.

თქვენ ალბათ იფიქრებთ, რომ ამისთვის ცვილი უკეთესია, მაგრამ ცვილი აღიზიანებს კანს.

ამისთვის კი დაგჭირდებათ შემდეგი ინგრედიენტები:

1.ორი სუფრის კოვზი თაფლი;

2.ერთი სუფრის კოვზი შვრიის ფქვილი;

3.ორი სუფრის კოვზი ლიმონის წვენი.

მომზადების წესი:

შეურიეთ ყველა ინგრედიენტი ერთმანეთს, წაისვით იმ ადგილებში საიდანაც თმის მოშორება გსურთ და გაიჩერეთ 15 წუთი. შემდეგ კი ჩამოიბანეთ თბილი წყლით. (იმისათვის რომ შვრიისგან მიიღოთ ფქვილი, დაფქვით იგი ყავის საფქვავში).

პროცედურის შემდეგ სახეზე წაისვით დამატენიანებელი კრემი დამამშვიდებელი ეფექტით, მაგალითად როგორიც არის გვირილის ან ქოქოსის კრემი.

პროცედურა გაიმეორეთ 2-3-ჯერ კვირაში. ერთი თვის შემდეგ კი თქვენ სამუდამოდ განთავისუფლდებით არასასურველი თმისგან.