ულამაზესი რუსული წარმოშობის მსოფლიო მოდელის ირინა შეიკის თაყვანისმცემლები ეჭვობენ, რომ იგი ფეხმძიმედაა. ამის მიზეზი კი ირინა შეიკის ფოტო გახდა, სადაც მოდელს მომრგვალებული მუცელი ეტყობა.

ჭორები პოპულარული მოდელის შესახებ მისი ორსულობის შესახებ დაიწყო იმით, რომ სოციალური ქსელის მომხმარებლებმა დიდი ყურედღებით დაათვალიერეს ირინა შეიკის ახალი ფოტო მისი "ინსტაგრამის" ოფიციალური გვერდიდან. ფოტოზე ირინა შავ, ტანზე გამოყვანილ, ღრმა დეკოლტირებულ კაბაში პოზირებს. მოდელი, რომელიც ყოველთვის დემონსტრირებას უკეთებდა თავის იდეალურ სხეულს, ფოტოზე განსხვავებულად გამოიყურება. ფოტოზე მუცლის პრესი არ ჩანს, სამაგიეროდ მომრგვალებული მუცელი შეიმჩნევა. თაყვანისმცემლები დარწმუნებულნი არიან, რომ მალე ვარსკვლავი დედა გახდება.

თუკი ირინა შეიკი ორსულადაა, ეს მისთვის პირველი შვილი იქნება. ჯერ-ჯერობით უცნობია ვინ არის მომავალი ბავშვის მამა. მიუხედავად იმისა, რომ მოდელი მსახიობ ბრედლი კუპერთან ურთიერთობას არ მალავს, ბოლო დროს წყვილის ურთიერთობა იდეალური არ არის. რამოდენიმეჯერ ირინა შეიკი ცუდ ხასიათზეც დააფიქსირეს და მედიაში წყვილის დაშორების შესახებაც ვრცელდებოდა ინფორმაცია. თუმცა ვარსკვლავებს არ დაუდასტურებიათ დაშორების შესახებ ინფორმაცია. მაგარმ მოდელს "ინსტაგარამაზე" ბრედლი კუპერთან გადაღებული არცერთი ფოტო არ უდევს, რაც იმის ვარაუდს იძლევა რომ წყვილი ერტად აღარ არის.