როგორც მოგეხსენებათ პოლიტიკური კოალიცია "ქართული ოცნება" უკვე რამოდენიმე დღეა რაც შეხვედრას მართავს ქუთაისის მაცხოვრებლებთან, ქართულ ოცნებაში გაწევრიანებული აქტივისტების დახმარებით ვრცელდება თავისუფალი გაზეთი სახელწოდებით "ქართული ოცნება" ძალიან ბევრს აინტერესებდა ვინ და რამდენს უხდიდა ამ ადამიანებს იმისათვის რომ გაევრცელებინათ ეს გაზეთები ევლოთ ქუჩაქუჩა და თითოეული ადამიანის ყურამდე მიეღწიათ თავიანთი ხმა, ეჩვენებინათ ნებისმიერი ადამიანისათვის რა იყო თავისუფალი მედია და რა ხდებოდა სინამდვილეში, ძალიან ბევრს ეჭვი ქონდა რომ მოხალისეთა ჯგუფი რაიმე ფულად ანაზღაურებას იღებდა თუმცა მინდა გითხრათ რომ ეს ადამიანები იყვნენ აბსოლუტურად უფასოდ, თავიანთი სურვილით მისული ადამიანები რომელთაც სურდათ დახმარებოდნენ პოლიტიკურ კოალიციას გაზეთებისა და ფლაერების გავრცელებაში, აქ არანაირი კრიმინალი არ იმალება. ყველამ კარგად იცით რას ნიშნავს კარგი სიუჟეტი ჟურნალისტისათვის მაგრამ შეთხზა ამბები და საოცრებები მოიგონო ეს მეტისმეტია. დღეს 20:00 წუთზე გასულ ქრონიკის სიუჟეტში ნათქვამია, თუ როგორ გაურბოდნენ აქტივისტები ტელეკომპანია იმედს მათ არავინ გაურბოდა, საინტერესოა რას ეძახიან გაქცევას? მათ ხომ არავისთვის არც კი უკითხავთ რამე? ვისაც კითხეს საკმაოდ კონკრეტული პასუხებიც კი მიიღეს, მაგრამ ამას ხომ სიუჟეტში არ გაუშვებდნენ? რათქმაუნდა მაშინ ხომ ობიექტურობაც გამოვლინდებოდა! რათქმაუნდა მოშურნეებმა ეს საქციელი ლამის ხალხის მოსყიდვად ჩათვალეს, მაგრამ ესეც ხომ რათქმაუნდა ისე აღიქვეს როგორც მათ სურდათ რომ წარმოჩენილიყო და სინამდვილეში არც კი გაურკვევიათ ნორმალურად რას ემსახურებოდა ესეთი ქცევა. როდესაც ტელეკომპანია იმედი გამოჩნდა იწყებოდა შესვენების საათი. იმუშავო მთელი დღე და უბრალოდ არ შეისვენო ეს შეუძლებელია, არამგონია დღესდღეობით ამას ვინმე აკეთებდეს, დატვირთული დღის შემდეგ უბრალოდ ელემენტარული 1 საათიანი შესვენება ჭირდებოდათ მოხალისე აქტივისტებს და ამის გამო მოუწიათ ოფისში დაბრუნება, თუმცა ეს ყველაფერი რატომღაც ტელეკომპანია იმედში ჩათვალეს რომ გაქცევას ან მათგან დამალვას ნიშნავდა ეს ყველაფერი. თუმცა ეს ხომ ის ტელევიზია არაა სადაც მართლაც შეიძლება რაიმე ობიექტურობაზე გქონდეს პრეტენზია ამაზე კი ნამდვილად დავრწმუნდით თითოეული ჩვენგანი უკანასკნელი მოვლენების შემდეგ.