თუ ისე მოხდა, რომ ზედმეტი ხაჭო იყიდეთ ან იყიდეთ და დაგრჩათ, მისი გამოყენება ძალიან ჭკვიანურად შეიძლება. მაგალითად, შეგიძლიათ სუპერგემრიელი ფუნთუშები გამოაცხოთ.
რეცეპტში მოცემული ინგრედიენტების შერევით მიღებული ცომიდან 10–12 ფუნთუშა გამოდის.

ინგრედიენტები:

ხაჭო – 250 გრ.
კვერცხი – 2 ცალი
შაქარი – 5 ს. კ.
მარილი – 1 მწიკვი

ვანილინი – 2 გრ.
გამაფხვიერებელი – 12 გრ.
ფქვილი – 250 გრ.
რძე – 2 ს. კ.

მომზადება:

1. ათქვიფეთ კვერცხი და შაქარი > შეურიეთ ვანილინი და მარილი > მიღებული მასა შეათქვიფეთ ხაჭოს.

2. ფქვილს შეურიეთ გამაფხვიერებელი და დააცერით (ასე ფქვილი ჟანგბადით გამდიდრდება) მიღებულ მასას > მოზილეთ რბილი ცომი (ცოტა უნდა გეწებებოდეთ ხელებზე).

3. თუნუქის ფურცელზე დააფინეთ პერგამენტის ქაღალდი > წაუსვით მას ზეთი.

4. დაისველეთ ხელები ცივ წყალში > გაყავით ცომი 10-12 თანაბარ ნაწილად > გააკეთეთ გუნდები > დაალაგეთ თუნუქის ფურცელზე.

5. შედგით გამოსაცხობად, 190 °C-ე წინასწარ გახურებულ აირღუმელში 12 წუთით.

6. გამოიღეთ ღუმელიდან > საკონდიტრო ფუნჯის გამოყენებით, გადაუსვით ზემოდან რძე და მოაყარეთ შაქარი > ფუნთუშები ისევ ღუმელში შეაბრუნეთ და კიდევ 3–5 წუთი აცხვეთ.