აშშ-ში დიდ ტბებში(Great Lakes) ამერიკელმა ტურისტმა ჯეისონ ასელინმა ვიდეოზე გადაიღო "ხომალდი მოჩვენება".

როგორც ვიდეოს ავტორი აცხადებს, იგი სანაპიროზე იმის გამო შეჩერდა, რომ ვიდეოზე დაეფიქსირებინა წყლის ზედაპირზე გამოსახული ცისარტყელა.უცნაური გემი-მოჩვენება წყალზე მოგვიანებით აღმოაჩინა.

აღსანიშნავია, რომ ვიდეომ ერთ დღეში YouTube -ზე ნახევარი მილიონი ნახვა დააგროვა.

თუმცა როგორც სპეციალისტები აღნიშნავენ, ვიდეოში არავითარ მისტიურობას ადგილი არა აქვს და არც წყალში დაკარგული "მოჩვენება" დაცურავს.

ეს გახლავთ ყველასთვის კარგად ნაცნობი იშვიათი ბუნებრივი მოვლენა მირაჟი-ოპტიკური ილუზია ატმოსფეროში, რომლის დროსაც შორს მყოფ საგანთან ერთად განცალკევებით ჩანს მისი მოჩვენებითი გამოსახულება.