არაფერი ამშვენებს ქალს ისე, როგორც კარგად შერჩეული ვარცხნილობა. მოდური და დახვეწილი ვარცხნილობა ხაზს გაუსვამს თქვენი სახის ღირსებებს და დამალავს ნაკლს (თუ გაქვთ), დაგეხმარებათ საკუთარი ინდივიდუალობის გამოხატვაში, ხოლო ყველაზე მთავარი ის არის, რომ თქვენც და ირგვლივ მყოფ ადამიანებს, ხასიათს გამოგისწორებთ!

თუ თქვენ მოდის ტენდენციებს თვალს ადევნებთ და თავის გამოჩენა ლამაზი ვარცხნილობით გინდათ, მაშინ ყურაღება მიაქციეთ წლის მოდურ ვარცხნილობებს, საერთო ტენდენციები – ასიმეტრიული და მკვეთრი ხაზებია, რომელიც შეიძლება სულ ადვილად გაერთიანდეს ერთ ვარცხნილობაში… თქვენც სცადეთ! თუ საკუთარ ცხოვებაში ცვლილების შეტანა გინდათ, ვარცხნილობის შეცვლა, კარგი დასაწყისი იქნება.

გასული საუკუნის 90-იან წლებში პოპულარული ვარცხნილობა ბრუნდება! გრძელი «ჩოლკა» განსაკუთრებით მათ უხდებათ, ვისაც მაღალი შუბლი აქვათ.

კოკი, გასული საუკუნის 50-60 წლებში ყველაზე მოდური ვარცხნილობა იყო... მამაკაცებისთვის. დღეს ის მოდური ვარცხნილობაა, როგორც ძლიერი სქესის წარმომადგენლებისთვის, ისე ქალბატონებისთვის. ეს ვარცხნილობა მათთვის არის, ვისაც მოკლე თმა უყვარს, ღია შუბლით. უკან გადავარცხნილი «ჩოლკა» დღეს მოდის პიკზეა!

ეს ვარცხნილობა განსაკუთრებით ეფექტურად გამოიყურება, თუ თმა ლავანდის ან სხვა რომელიმე ყვავილის ფრად არის შეღებილი. თუმცა, თმის ნატურალურ ფერზეც ძალიან ლამაზია.

აპარსული კეფა და გაღიავებული თმის ნაწილი: არის ისედაც მოდური პიქსის, ახალი ვერსია, რომელიც განსაკუთრებით პოპულარულია ამ სეზონზე!

მოკლე «წამოზრდილი» ბობი

რა ვარცხნილობა არის მოდაში ამ სეზონზე? კიბე-კიბედ აჩეხილი და ასემიტრიული თმის ბოლოები — ეს ის არის, რაც ნებისმიერ ქალს დაამშვენებს და მისი სახელი «ელეგანტური დაუდევრობა» არის!

მოცულობითი თმა კეფაზე, მრუდი გამყოფი ხაზი, ორად გაყოფილ თმას შორის და გრძელი «ჩოლკა» – მოდური ელეგანტური ვარცხნილობა, რომელიც ერთნაირად კარგად გამოიყურება როგორც ყოველდღიურ სამოსთან, ისე საღამოს კაბასთან.

ერთ მხარეს თმა მხოლოდ ყურის ბიბილოს სწვდება, ხოლო მეორეზე — იმდენად გრძელია, რომ მხარს ეხება!

ამ ვარცხნილობაში განსაკუთრებული ყურადღება კეფას ექცევა: სხვადასხვა სიგრძეზე შეჭრილი თმა ძალიან ლამაზად და მოცულობითად გამოიყურება!

ამ ვარცხნილობის პოპულარობაც ვიქტორია ბეკჰემის დამსახურება არის. ვარცხნილობა Posh Spice რამდენიმე წლის წინ შემოვიდა მოდაში და დღემდე არ თმობს დაკავებულ პოზიციას!

გრძელი ბობი, ყველაზე მეტად, იმათ უხდებათ, ვისაც სქელი და მოცულობითი თქმა აქვთ.

მოკლედ აკრეჭილი თმა კეფაზე და წინ გადმოვარცხნილი კარე, მცირე ფილირებით (სპეციალური სავარცხლით შეჭრილი თმა, მისთვის მოცულობის მისაცემად). ეს ვარცხნილობა განსაკუთრებით ელეგანტურად გამოიყურება, თუ კეფაზე და საფეთქლებზე თმა მუქი ფერის არის, ხოლო ზემოთ — უფრო ღია.

წარმოდგენილი 12 ვარცხნილობიდან, იროკეზი ერთადერთი ვარცხნილობა არის, რომელსაც ცოტაოდენი გამბედაობა ესაჭიროებ. ის მათთვის არის, ვისაც ყურადღების ცენტრში უყვარს ყოფნა.

ვარცხნილობის რამდენიმე ვარიანტი არსებობს: ის შეიძლება იყოს მეტისმეტად გამომწვევი და შეიძლება იყოს უფრო ქალური, რომანტიკულიც კი. სურვილის შემთხვევაში, შესაძლებელია საზოგადოებისთვის ღია ვარცხნილობის დემონსტრირება, ხოლო თუ საჭიროა კლასიკური look-ი — თმის დავარცხნა ისე არის შესაძლებელი, რომ გაპარსული ადგილები არ გამოჩნდეს.