გუშინ, 20 ივნისს ტელეკომპანია "იმედის" ეთერში "ცეკვავენ ვარსკვლავების" ნახევარფინალი გაიმართა. ეს ტური განსაკუთრებით დაძაბული აღმოჩნდა და მაყურებლებს შორის დაპირისპირება სოციალურ ქსელში ჯერ კიდევ რამდენიმე დღით ადრე დაიწყო. დაპირისპირება ძირითადად ჯანო იზორიასა და სტანისლავ ბონდარენკოს გულშემატკივრებს შორის მიმდინარეობდა. პირველების აზრით, პროექტი აუცილებლად ჯანოს უნდა მოეგო, რადგან ქართველია, საუკეთესო მოცეკვავეა კონკურსანტებს შორის და...თბილისში ბინა არა აქვს. სტანისლავის გულშემატკივრები კი გარდა იმისა, რომ უკრაინელი მსახიობის კარგ ცეკვაზე მიუთითებდნენ, განსაკუთრებით ხაზს უსვამდნენ საქართველოში მის საქველმოქმედო მოღვაწეობას.

ასეა თუ ისე, ნახევარფინალი დასრულდა და...დასრულდა ყველასათვის მოულოდნელი შედეგით. აუტსაიდერებში სწორედ რომ სტანისლავი და ჯანო აღმოჩნდნენ. ხმები კი მათ შორის, რაც არ უნდა გასაკვირი იყოს, ერთნაირად გადანაწილდა და ფინალის ბედი სმს ლიდერობამ გადაწყვიტა. სულ რაღაც 200-ით მეტი სმს-ის წყალობით ფინალში სტანისლავი და ნიკე გადავიდნენ. ჯანო იზორიამ კი პროექტი დატოვა.

ამ ფაქტს, ცხადია, სოციალურ ქსელში, მაყურებელთა მხრიდან მკაცრი შეფასებები მოჰყვა. ჯანოს მიერ პროექტის დატოვებას უმრავლესობა უსამართლობად აფასებს. ბევრს ისიც მიაჩნია რომ ხმები გაყალბდა, რათა ფინალში ანდრია გველესიანი და სალომე ჭაჭუა მოხვედრილიყვნენ, რადგან ეს უკანასკნელი ჟიურის წევრის, გოჩა ჩერტკოევის ნათესავია.

" ეს შოუ საყურებლად არ ღირს...უსამართლობააა...ფინალში ანდრია არ უნდა იყოს"

"ანდრია კარგი ბიჭია, მაგრამ საერთოდ ვერ ცეკვავს, ძალიან სამარცხვინო ფინალია"

"ბინა ვისაც ყველაზე მეტად სჭირდებოდა ის გავარდა... გავარდა თუ გააგდეს ეგეც საკითხავია. ფინალში ჯანო და სტასი უნდა ყოფილიყო."

"ანდრეას რომ დაეტოვებინა პროექტი უფრო სამართლიანი იქნებოდა, იმიტომ რომ ჩემი აზრით საერთოდ ვერ ცეკვავს...ამიტომ გამარჯვებული აუცილებლად უნდა იყოს სტასი და ნიკე"

"იმედის დახურვის სუნი მცემს"

"სირცხვილი ცეკვავენ ვარსკვლავებს. ფინალისტები დგანან აუტსაიდერებად"

"ხმელი წიფელი ფინალშია !!! ვაი თქვენს პატრონს !!"

"ანდრიას ლამაზად გამოსდის სალომეს ხელში ატაცება და ტრიალი, მაგრამ ეგ სპორტული აღნაგობის დამსახურებაა და არა ცეკვის ნიჭის. ანდრიაზე უკეთესად ბევრი ცეკვავდა ამ პროექტში, თვალები დავიბრმავოთ რადგანაც ქართველია? ესეც ომი ხომ არაა, რა შუაშია აქ პატრიოტიზმი." - ასეთ კომენტარებს ვკითხულობთ სოციალურ ქსელში "ცეკვავენ ვარსკვლავების" ოფიციალურ გვერდზე.