ტაჯიკეთში, ხატლონის ოლქში, დუსტის მახლობლად შეყვარებულმა წყვილმა თვითმკვლელობა განახორციელა, იუწყება TJinform.com-ი.

ტაჯიკეთის შსს-ს ინფორმაციით, 9 ივნისს დილის 7 საათზე და 30 წუთზე 20 წლის ყმაწვილმა და 16 წლის გოგონამ, რომლებიც დუსტის რაიონში ცხოვრობდნენ იმის გამო, რომ მშობლები უარზე იყვნენ წყვილს ოჯახი შეექმნა გოგონას არასრულწლოვანი ასაკის გამო, თავის მოკვლის მიზნით სოფელ უმედის მახლობლად აცოცდნენ კლდეზე და ხელიხელჩაჭიდებულები 100 მეტრის სიმაღლის უფსკულში გადახტნენ.

შედეგად გოგონა ადგილზე გარდაიცვალა, ხოლო 20 წლის ბიჭი მრავალრიცხოვანი ტრავმებით, უმძიმეს მდგომარეობაში საავადმყოფოში იქნა გადაყვანილი.

მომხდარ ფაქტზე მიმდინარეობს გამოძიება.