ალბათ ქრისტიანთა სულ მცირე 90%-ს სახლში ბიბლია თვალსაჩინო საპატიო ადგილზე უდევს, თუმცა ყოველგვარი პათეტიკის გარეშე შეიძლება ვამტკიცოთ, რომ აქედან 1%-საც არ ექნება წაკითხული არა თუ მთლიანი ბიბლია, არამედ მისი ნახევარი მაინც და წაკითხვის შემთხვევაშიც კი ხშირად არ ვაცნობიერებთ თუ რა წერია შიგნით.

shipoffouls.com-ის მკითხველებს სთხოვეს დაესახელებინათ ყველაზე შოკისმომგვრელი ციტატები ბიბლიიდან სადაცაა გამართლებული სექსიზმი, გენოციდი, მონობა და სხვა.

პირველი ათეული კი ასე გამოიყურება.

1) ქალი სწავლობდეს მდუმარედ, სრული მორჩილებით;მე არა ვრთავ ქალს სწავლების ნებას, და არც ქმარზე მბრძანებლობისას, არამედ რათა იყოს მდუმარედ. (პავლე მოციქულის პირველი ეპისტოლე ტიმოთეს მიმართ, თავი 2:11, 12)

2)ახლა წადი და სძლიე ყამალეკს და გაუნადგურე მთელი საბადებელი. ნუ დაინდობ,
გაწყვიტე კაცი და ქალი, ყრმა და ძუძუთა ბავშვი, ხარი და ცხვარი, აქლემი და
სახედარი.(წიგნი პირველი მეფეთა თავი 15 :3)

3)ჯადოქარი(აქ მკითხავი) ცოცხალი არ დატოვო. (ძველი აღთქმა, გამოსვლა თავი 22:17)

4)ნეტარია, რომელმანც შეიპყროს და მიახეთქოს ჩვილნი შენნი
კლდეს. (ძველი აღთქმა, ფლასმუნნი 137:9)

5)როცა გუნებაზე მოვიდნენ, აჰა, ქალაქის მცხოვრებნი,
გარყვნილი ხალხი, გარს შემოერტყნენ სახლს, კარზე აბრახუნებდნენ და
ეუბნებოდნენ ბერიკაცს, სახლის პატრონს: გამოგვიყვანე, შენს სახლში რომ
კაცია მოსული, უნდა შევიცნოთო.

გავიდა მათთან სახლის პატრონი და უთხრა: არა, ძმებო, ნუ
უზამთ ბოროტებას. ეს კაცი ჩემს სახლში სტუმრად შემოვიდა, ნუ ჩაიდენთ ამ
უზნეობას.

მაგრამ მათ მისი გაგონებაც არ უნდოდათ. მაშინ ადგა კაცი
და გამოუყვანა ქუჩაში თავისი ხარჭა. შეიცნეს იგი, მთელი ღამე დილამდე
აუპატიურებდნენ მას. და ცისკარზე გაუშვეს.

წამოვიდა ქალი დილით, დაეცა იმ კაცის სახლის კართან,
ვისთანაც მისი პატრონი იდგა, და დილამდე ეგდო.

ადგა დილით მისი პატრონი, გააღო სახლის კარი, გამოვიდა,
რომ გზას გასდგომოდა, და, აჰა, კართან მისი ხარჭა აგდია, ზღურბლზე
ხელებდაყრილი.

უთხრა: ადექი, წავიდეთო. მაგრამ პასუხი ვერ მიიღო.
გადაჰკიდა სახედარს, ადგა და შინ წავიდა.

შინ რომ მივიდა, აიღო თავისი ხარჭა, თორმეტ ნაწილად,
ასო-ასო დაჭრა და დაგზავნა ისრაელის ყველა კუთხეში.(ძველი აღთქმა, მსაჯულნი თავი 19:22-29)

6)ასევე კაცებმაც მიატოვეს ქალებთან ბუნებრივი ცხოვრების წესი და გულისთქმით
გახურებულნი აღერივნენ ერთმანეთს, მამაკაცი მამაკაცთან სჩადიოდა სასირცხვოს და
მიიღეს თავიანთი ცთუნების საკადრისი საზღაური.(პავლეს მოციქულის ეპისტოლე რომაელთა მიმართ;თავი 1:27)

7)ასე აღუთქვა იფთახმა უფალს: თუ ხელში ჩამაგდებინებ
ყამონიანებს.

როცა შინ მშვიდობით დავბრუნდები, ვინც პირველი გამომეგებება ჩემი სახლის ჭიშკართან,
უფლისა იყოს და შევწირავ აღსავლენ მსხვერპლად.

წავიდა იფთახი ყამონიანებზე, შეება და უფალმა ხელში
ჩააგდებინა ისინი.

სასტიკად დაამარცხა ისინი ყაროყერიდან მინათამდე, ოცი
ქალაქი, და აბელ-კერამიმამდე. დაემორჩილნენ ყამონიანები ისრაელიანებს.

შინ მობრუნდა იფთახი მიცფაში და, აჰა, როკვით გამოეგება
თავისი ასული დაირით ხელში. ეს ერთი ჰყავდა, მის გარდა არც ვაჟი ჰყავდა და
არც ქალი.

როცა დაინახა, შემოიხია ტანსაცმელი და თქვა: ვაიმე შვილო,
როგორ დამღუპე, ეს რა უბედურება დამატეხე. მაგრამ მე ბაგე გავხსენი უფლის
წინაშე და ვერ გადავალ სიტყვას.(ძველი აღთქმა, მსაჯულნი, თავი 11:30-37)

8)უთხრა: მოჰკიდე ხელი შენს შვილს, შენს მხოლოდშობილს,
რომელიც გიყვარს, ისაკს, და წადი მორიას მხარეში. იქ შესწირე აღსავლენ
მსხვერპლად ერთ მთაზე, რომელსაც გიჩვენებ.(დაბადება, თავი 22:2)

9)ქრისტეს შიშით ჰმორჩილებდეთ ერთმანეთს. ცოლებო, დაემორჩილეთ თქვენს ქმრებს, როგორც უფალს.(პავლე მოციქულის ეპისტოლე ეფესელთა მიმართ.თავი 5:21-22)

10)მსახურნო, გულმოშიშებით დაემორჩილეთ ბატონებს, არა მარტო კეთილთა და ლმობიერთ არამედ მკაცრთაც. (პირველი პეტრესი თავი 2:18)