ოთახების ინტერიერის მოწყობა და ფერთა შეხამება თქვენს გემოვნებასა და ინდივიდუალიზმს უსვამს ხაზს. სამწუხაროდ უმეტესობა ჩვენთაგანი დიდ დროს არ უთმობს იმაზე ფიქრს, თუ რომელი ფერი აირჩიოს ოთახის კედლისთვის, იმ მიზნით, რომ ჰარმონიულად შეერწყას ინტერიერს, ეს ხომ ჩვენს ყოველდღიურ ცხოვრებაზე ახდენს გავლენას – ჩვენს ხასიათსა და ფიქრებზე. ფერები აქტიურად მოქმედებს ადამიანებზე ასაკის, სქესის, ეთნიკური წარმომავლობის ან ადგილობრივი კლიმატის გათვალისწინებით. განსაზღვრულ ფერებს ან ფერთა ჯგუფებს შეუძლია გარკვეული ემოციის გამოწვევა ჩვენში, ამიტომ როდესაც საქმე ოთახის დეკორის შერჩევაზე მიდგება, მნიშვნელოვანია რომ ეს ჭკვიანურად გავაკეთოთ, მით უმეტეს თუ საქმე საძინებელს ეხება.

ცნობილია, რომ ფერთა სამ ძირითად სახეობას გამოყოფენ: აქტიური, პასიური და ნეიტრალური. მარტივად და თავისუფლად შეძლებთ შეუხამოთ ოთახის ფერი თქვენს პირად სურვილებს, გემოვნებასა და ოთახის დანიშნულებას. ღია ფერები უფრო მდიდრულ და ჰაეროვან ელფერს სძენს, ოთახს უფრო დიდსა და ნათელს აჩენს. მუქი კი – თბილ და დახვეწილ გარემოს ქმნის; ოთახს უფრო მეტ ინტიმურ დატვირთვას ანიჭებს.

სტატიაში გთავაზობთ 40 განსხვავებული სტილისა და ფერის საძინებელს, რომელიც დახმარებას გაგიწევთ შექმნათ რაღაც განსაკუთრებული და ორიგინალური, რაც სიმშვიდის, კომფორტისა და სიმყუდროვის შეგრძნებას მოგანიჭებთ.