ასეთ დასკვნამდე მივიდნენ ამერიკელი მეცნიერები:უახლოეს მომავალში ტრადიციული მეთოდით ბავშვის ჩასახვა საჭირო აღარ იქნება.

"კაცობრიობა გამრავლებასთან დაკავშირებით გლობალური ცვლილებების მიჯნაზე დგას"-ასე მიიჩნევენ სტენფორდის უნივერსიტეტის მეცნიერები.

უკვე 20-40 წლის შემდეგ მშობლებს შესაძლებელი ექნებათ თავად აირჩიონ ემბრიონი შესაბამისი პარამეტრებით. წინასწარ ეცოდინებათ ჩვილის სკანის, თვალის და თმის ფერი.

იმ დროისთვის ექიმებს უკვე ეცოდინებათ, როგორ შექმნან სრულფასოვანი კვერცხუჯრედი კანის რამდენიმე უჯრედისგან აღებული გენეტიკური მასალიდან.

ბავშვის არჩევის შემდეგ მშობლებისთვის აღარ იქნება საჭირო სექსი ჩასახვის მიზნით. მშობლების საქმეს ლაბორატორია გააკეთებს.

ამერიკელი მეცნიერების დასკვნით შორს არაა ის დრო, როდესაც მშობელი "დიზაინის" მიხედვით აირჩევს მომავალი შვილის სახის ნაკვთებს.

უახლესი ტექნოლოგიების გამოყენებით მეცნიერები შექმნიან არა მარტო ხელოვნურ კვერცხუჯრედს, არამედ სპერმატოზოიდსაც.

პროფესორი ჰენრი გრილი(Henry Greely) ირწმუნება, რომ ტექნოლოგიების და მეცნიერების განვითარება სექსს, როგორც გამრავლების ერთადერთ მეთოდს საბოლოოდ წერტილს დაუსვამს.