სხვადასხვა სატელევიზიო პროექტების წყალობით ქართული შოუბიზნესი ახალ სახეებს იძენს. ერთ-ერთი მათგანი კი "ნიჭიერის" გამარჯვებული ბარბარა სამხარაძე გახლავთ. 15 წლის გოგონას, სოფელ ჭაბუკიანიდან სიმღერის არნახული ნიჭი აღმოაჩნდა და პროექტში გამარჯვებაც შეძლო. ის დღეს საკმაოდ პოპულარული მოზარდი გახლავთ და მისდამი ხალხის სიყვარული და ყურადღებაც საკმაოდ დიდია. პროექტში გამარჯვებამ ბარბარას ცხოვრება ძალიან შეცვალა, ის თბილისში გადმოსვლას გეგმავს, ვოკალში მოემზადება და მუსიკას გაცილებით სერიოზულად მიუდგება.

სოციალურ ქსელში "ბოროტი ჭორი" გავრცელდა, რომლის მიხედვითაც ბარბარას გულის შეტევა დაემართა. სტატიის ავტორმა გოგონა სასიკვდილოდ ვერ გაიმეტა, თუმცა მის მოსანახულებლად ვანიკო თარხნიშვილი, ნიკა გვარამია და ბიძინა ივანიშვილი გაუშვა. ჭორი ცალსახად აბსურდულია, თუმცა ბარბარას ახლობლები და გულშემატკივრები ნამდვილად შეაშინა. "რა საჭიროა?? კარგად ვარ ხალხო... არაფერი არ მჭრის... ნუ დაუჯერებთ... სირცხვილიააა"-წერდა ბარბარა. "ჩემი აღარც ტელეფონი ჩერდება და აღარც facebook. საიდან აღარ მირეკავენ და მწერენ...ხალხო სირცხვილია... და მთავარ გმირს მივმართვ...“ძვირფასო მარიამ იაძე გცხვენოდეს... ან საიდან იგონებ ეგეთ სისულელეებს...ნუთუ არ გცხვენია"...კიდევ ერთხელ გეტყვით კარგად ვარ... არაფერი არ მჭირს... და ყველას დიდი მადლობა ასეთი ყურადღებისათვი"-დასძენს წლის ყველაზე ნიჭიერი ადამიანი. მსგავსი ინფორმაცია ხშირად ვრცელდება და უმეტეს შემთხვევებში სიცრუესთან გვაქვს საქმე და საზოგადოებისათვის ცნობადი და საყვარელი ადამიანები ამ დროს, საბედნიეროდ, შესანიშნავად გრძნობენ თავს.

ვუსურვოთ ბარბარას წარმატებები და ჯანმრთელობა...