მოსკოვი. 18 მარტი. ინტერფაქსი–ქალაქ ნახოდკაში 19 წლის მამაკაცმა დირექტორის კაბინეტში მოკლა 15 წლის მოსწავლე გოგონა. შემდეგ კი თვითონაც მოიკლა თავი.

გამომომძიებლების თქმით 19 წლის ყმაწვილი სკოლაში მივიდა თავის შეყვარებულთან ფიზკულტურის გაკვეთილის შემდეგ და ჩხუბი დაუწყო. მასწავლებელი ცდილობდა დაეცვა გოგონა, მაგრამ ბოროტმოქმედი დანით დაესხა თავს მასაც.

გაცოფებული ყმაწვილისგან თავდასაცავად გოგონა დირექტორის კაბინეტში გაიქცა, მაგრამ დამნაშავე იქაც გაეკიდა.–გადმოსცემს ინტერფაქსი.

სასწავლო დაწესებულების დირექტორიც ცდილობდა გოგონას დაცვას, მაგრამ დანით შეიარაღებული დამნაშავე ვერ შეაკავა. მან ერთი დარტყმით მოკლა გოგონა.შემდეგ კი თავი მოიკლა. ყელში გამოისვა დანა.

აღძრულია სისხლის სამართლის საქმე მუხლით "მკვლელობა".