ჩემპიონთა ლიგის 1/8 ფინალური სტადიის საპასუხო მატჩს ლონდონის არსენალი კატალონიის დედაქალაქში, ბარსელონას წინააღმდეგ ითამაშებს. არსენ ვენგერის გუნდს ლონდონში ორბურთიანი სხვაობით წაგების შემდეგ ურთულესი ამოცანა აქვს შესასრულებელი.

იმიხ მიუხედავად, რომ დისკვალიფიკაციის გამო არსენალის არცერთი ფეხბურთელი არ გამოტოვებს დღევანდელ მატჩს, ინგლისელების დანაკლისი გაცილებით დიდია. არსენ ვენგერის განკარგულებაში ნამდვილად ვერ იქნებიან აარონ რემსი, პეტრ ჩეხი, სანტი კასორლა, ოქსლეიდ-ჩემბერლენი, ტომაშ როსიცკი და ჯეკ უილშერი. ლორან კოშელნიმ გუშინ გუნდთან ერთად ივარჯიშა და არსებობს შანსი, რომ ფრანგი მცველი დღეს მინდორზე ვიხილოთ.

ბარსელონა (სავარაუდო): ტერ შტეგენი, ალვეში, მატიე, მასკერანო, ალბა, ბუსკეტსი, რაკიტიჩი, ინიესტა, ნეიმარი, მესი, სუარესი.

არსენალი (სავარაუდო): ოსპინა, ბელერინი, მერტეზაკერი, გაბრიელი, მონრეალი, კოკელენი, ელნენი, უოლკოტი, იოზილი, სანჩესი, უელბეკი