მიუხედავად იმისა, რომ სულაც არ გვსურს პოპულარობის "მარკები" ავიწიოთ, ჩვენი სტატუსებიდან გამომდინარე, ჩასაფრებული საზოგადოება ამას უფრო საჯაროს ხდის და ჩვენთვის სრულიად გაურკვეველ იარლიყს აკრავს. ჯერ იყო და პატრულის გინების ფაქტით შოუ-ბიზნესს ეკა ყურშიტაშვილის სახით "ახალი ვარსკვლავი" შეემატა, ამ წლის 1 იანვარს, ახალი წლის დღიდან კი ალიას ჟურნალისტი ნინო ლაბარტყავა მოექცა განკითხვის ობიექტივში იმის გამო, რომ ფეისბუქის საკუთარ გვერდზე "დაპოსტილი" ამბავით მოგვითხრო, თუ როგორ შეესწრო შვილთან ერთად, სასტუმრო რედისონის მე-15 სართულზე წყვილის სახალხო "სექსს". ასევე დიდი აჟიტირებით ჩაიარა მისმა პოსტმა, სადაც ამბობდა, რომ ყველა ლგბტ-ს ერთ დიდ საქათმეში სიამოვნებით გადაასახლებდა. ახალ სკანდალში გაება "მძიმე კაცთან" ჩაწერის დროს, რასაც ასევე დიდი გამოხმაურება მოყვა ანონსის შემდეგ, თუმცა ნინოს ხალხის არც ეს რეაქცია ადარდებდა. სწორედ ამასთან დაკავშირებით იყო მიწვეული რამოდენიმე დღის წინ "ნანუკას შოუში", სადაც თემად იყო "სექსი" და ნინო ძველ პოზიციაზე დარჩა, რომ საჯარო სექსი- ამორალობაა.

რამოდენიმე საათის წინ კი საკუთარი facebook-ის გვერდზე ახალ კომენტარს დებს, რომელსაც რაღა თქმა უნდა უცვლელად შემოგთავაზებთ:

"ეს სტატუსი დღის აქტუალურ თემას არ ეხება, მაგრამ უნდა ვთქვა.
არ მინდოდა ამის დაწერა, მაქსიმალურად ვიკავებდი თავს, მაგრამ ზოგიერთმა მართლა გადაიშხუილეთ უკვე თავზე.
ვირისგან წიხლი არ უნდა გეწყინოსო, "ფროიდს" უთქვამს,
მარა ამდენი ვირი სად შეიკრიბეთ, ყველა ერთ ხმაში და ერთ ტონალობაში რომ ყროყინებთ? ნუ, ამდენი რა, რამოდენომე ვირი დავთვალე ამ დღეებში და ეს რამოდენიმეც მეწყინა, რადგან ზოგი ნაცნობია, ზოგი ახლობელი (მე მეგონა ასე, ყოველ შემთხვევაში), ზოგიც მეგობრობაზე დებდა თავს...
რა იყოთ, ჩემმა "სიბნელემ" თქვენი "ნათელი" დაჩრდილა? პერსონალურად ვინმეს მოგადექით და გლანძღეეეთ, ვინმეს ოჯახს შევეხეეე, რომელიმე თქვენგანის ბინაში შემოვიჭერი და აღარ გამოვდივაააარ, ვალი მაქვს თქვენი და არ გიბრუნეეეებთ, თუ რამ გაგამწარათ?
თუ ჩემი ბოლოდროინდელი პოზიციები და ნათქვამი თქვენთვის მიუღებელია, კი, ბატონო, გამოთქვით აზრი, დაწერეთ, ნათქვამის შინაარსი გამიპროტესტეთ, მარა ეს ჰოპა და ბრახ, მოწმენდილ ცაზე უცაბედი გადავლები რომელი პრადვინუტობაა და რომელი სინათლეა ნაცნობ–ახლობელ–მეგობრებისგან, ამას ვერ მივხვდი....
მოდი, რა, ყველამ საკუთარ ტ**** მიხედეთ, რა განერვიულებთ, კაცო? ჩემნაირ ბნელზე როგორ იშლით ნერვებს? კარგით, რააააა. გოიმები ხომ არ ხართ?

ერთი სიტყვით, ეს დელიკატურად ნათქვამი გეყოფათ ზოგიერთებს (ვინც საჭიროა, ისინი მიიღებთ ამას საკუთარ თავზე), დანარჩენებს კი უფრო არადელიკატურად მოგწერეთ პმ–ში და სანამ წაიკითხავთ, ან ცივი წყალი მოიმარაგეთ, ან ვალერიანის წვეთები"- წერს ნინო.