უკვე დიდი ხანია თავსატეხების გამოცნობა, ინტერნეტ მომხმარებლებისთვის ერთ-ერთ საყვარელ და სახალისო გასართობს წარმოადგენს. ალბათ ყველას მოგიწიათ მრავალ თეთრ ძაღლში პანდას ამოცნობა; ან სულაც კატებსა და ძაღლებს შორის უცხო ობიექტი აღმოგეჩინათ; კაბისა და სპორტული წყვილის- ფერების დადგენაც ხომ დიდი თავსატეხი იყო; ახლა კი, ორიოდე დღეც არ არის, რაც ინტერნეტ ბუმად მორიგი ფოტო იქცა, სადაც მოცემული, დანაწევრებული რამოდენიმე საზამთროს წყალობით მომხმარებლები ცდილობენ გაერკვნენ თუ რამდენი საზამთროა სინამდვილეში გამოყენებული. აღნიშნულმა ფოტომ აზრთა სხვადასხვაობა გამოიწვია- ბუნებრივია. თქვენ რამდენ საზამთროს ხედავთ?

თუ უკვე მორჩით მის დათვლას, მინდა ქვემოთ პასუხების ვარიანტები შემოგთავაზოდ.

მომხმარებელთა განსაზღვრულმა ნაწილმა ნახა გამოსავალი და ადვილად გადაჭრა დათვლის პრობლემა, მიუხედავად იმისა, რომ სწორი ვარიანტი არ არის, მასშიც ნამდვილადაა სიმართლის მარცვალი. როგორც ჩანს მათ სიტყვა "მთელი" დააიგნორეს და დაითვალეს 8 საზამთრო. ამ შემთხვევაში პასუხი უტყუარია.

ნაწილი მომხმარებლებისა ამტკიცებს, რომ 6 საზამთროა მოცემული. რაღა თქმა უნდა აქაც არის სიმართლის ნატამალი თუ დავუკვირდებით ფოტოს, ვინაიდან თუ შუაზე გაჭრილ საზამთროებს დავუბრუნებთ ერთმანეთის პოზიციას, მაშინ მივიღებთ 2 მთელ და 4 ნაკლულ საზამთროს, სულ კი 6 ცალს.

დანარჩენმა ნაწილმა მომხმარებლებისა კი წმინდა მათემატიკური ვარიანტი აირჩია. მოცემულ ფოტოზე ხომ 4 მოკლებული და 4 ნახევარი საზამთროსი გვაქვს, ამიტომ (4 x 0.75) + (4 x 0.5) = 5 მაშასადამე ამ ნაწილის მტკიცებით გვაქვს 5 მთელი საზამთრო.

თქვენ რამდენი დაითვალეთ?