მადამ ტიუსოს მუზეუმი, ლონდონში, უკვე 200 წელზე მეტია რაც არსებობს. ამ მუზეუმის ექსპონატები, გარეგნობით, არაფრით განსხვავდებიან ცოცხალი ადამიანებისგან და წყლის ორი წვეთივით ჰგვანან იმ ადამიანებს, რომლის მიხედვითაც არიან შექმნილები. რაში მდგომარეობს მუზეუმის თანამშრომლების საიდუმლო? ცნობილი ადამიანის ასლის შექმნის დროს, ნებისმიერი შტრიხი და დეტალი მნიშვნელოვანია: კანის და თვალის ფერი, ტატუ, იარა და ნებისმიერი წვრილმანი, რაც ამ ადამიანს, სხვა ადამიანებისგან გამოარჩევს.

ყველა ფიგურა ლონდონის ცენტრალურ ოფისში იქმნება, ხოლო შემდეგ იგზავნება 20-ზე მეტ ფილიალში, სხვადასხვა ქალაქებში. შედევრების შემქმნელებმა გადაწყვიტეს ფარდა აეხადათ საიდუმლოსთვის და ყველასთვის ეჩვენებინათ, ფიგურების შექმნის პროცესი:

თითოეულ ფიგურაზე 15 მხატვარი მუშაობს, 3-4 თვის მანძილზე. ყოველწლიურად, ცენტრალური ოფისის სახელოსნოში 230-მდე ფიგურა იქმნება. ყველაფერი კი ცნობილ ადამიანთან შეხვედრით და ზომების აღებით იწყება…

ამ პროცედურის დროს, დიზაინერი 250 მაჩვენებელს იღებს: კანის ფერი, თვალის ზუსტი ფერი, თმის ფერი, სტრუქტურა, სიგრძე და ა. შ.

ყველა პარამეტრის აღების შემდეგ, მოქანდაკე აკეთებს თიხის მაკეტს…

ის ამოწმებს მაკეტის პარამეტრებს, რომ უნებლიედ, შეცდომა არ გაიპაროს.

ამის შემდეგ, ამზადებენ ყალიბს ცვილის ჩასასხმელად. რომელშიც ცვილს 170 საათის მანძილზე აჩერებენ.

შემდეგი ეტაპი — თმის საფარის დამატება არის. დიზაინერი თითოეულ ღერს სათითაოდ ამაგრებს. ეს პროცესი, დაახლოებით, 6 კვირის მანძიზე გრძელდება.

შემდეგ, ზეთის საღებავებით, მხატვარი ზუსტად იმ ფრად ღებავს ფიგურას, რა ფერის კანიც აქვს რეალურ ადამიანს.

როდესაც «კანი» მზად არის, მხატვარი თვალებზე და კბილებზე გადადის. თითოეული თვალი — რეალური თვალის ზუსტი ასლია და ის ინდივიდუალურად იქმნება აკრილის რეზინით. კბილებს ქმნიან იმ ყალიბით, რომელსაც ვარსკვლავთან პირადი შეხვედრის დროს იღებენ.

მას შემდეგ, რაც ფიგურაზე მუშაობა დასრულდება, მისი შემოსვის დრო დგება. ხშირ შემთხვევაში, ცნობილი ადამიანები, თვითონ აძლევენ «კლონებს», საკუთარ ტანსაცმელს და ფეხსაცმელს.

დამასრულებელი შტრიხებია: დეტალური მაკიაჟი, ვარცხნილობა, დამატებითი აქსესუარები.

და ბოლოს, პრეზენტაციის დროც დგება.