მსახიობი ლევან ჯიბღაშვილი საზოგადოების ყურადღების ცენტრში მოექცა. მის ინტერვიუს, რომელშიც ცოლ-ქმრულ ურთიერთობებზე ისაუბრა დიდი გამოხმაურება მოჰყვა. "ოჯახი სამზარეულოთი არ განისაზღვრება. მე მგონია, რომ ქალი უნდა იყოს ოჯახში. მე დღედაღამე გარეთ ვარ. 24 საათი ვშრომობ.. ცოლი რომ მეყოლება სახლს ვინ უნდა მიხედოს? ქალმა უნდა მიხედოს ოჯახს. თუ ცოლი ჩემზე გვიან მოვიდა სახლში, რაღად მინდა ცოლი, სულ არ მოვიყვან. სახლში ხომ უნდა მიხაროდეს მოსვლა. 11 წელი საკუთარ თავს თავად ვუვლი, არაფერი მიჭირს. მადლობა ღმერთს, ბავშვს რამდენსაც მინდა იმდენს გავაკეთებ"-განაცხადა ლევანმა.

საზოგადოების ნაწილმა მსახიობს გულახდილობა მოუწონა, ზოგიერთები დაეთანხმნენ, ზოგმა კი მის შეხედულებებს მოძველებული უწოდა. როგორც ირკვევა ლევანი შეყვარებულია მომღერალ სალომე წვერაიძეზე. გავრცელებული ხმების თანახმად, წყვილს საკმაოდ მყარი ურთიერთობა აქვს, რაც შესაძლოა ქორწინებითაც დაგვირგვინდეს.

ლევანის ინტერვიუს სოციალურ ქსელში ეხმაურება ქართველო მოდელი ალექსანდრა პაიჭაძე: "გენაცვალე შენ იოსებიჩ! ღმერთმა ისეთი ქმარი გამყოფოს რო ცოლი სულ სპა-სპა ატარო!! რა ჯანდაბად მინდა ისეთი ქმარი რომელიც მე დამხვდება სახლში??????? დასვენებას და ბედნიერებას მეც ვიმსახურებ. და ყველა ქალი, გამოტყდით!"

"კარგ მთქმელს კარგი გამგები უნდა ხო გაგიგია"-პასუხობს ლევანი

ალექსანდრა:"ხო და დამღალეს... მე მიესმის და მეც მინდა მაგენი"

ლევანი: "ბაზარი არაა"

ლევან ჯიბღაშვილი პროფესიით მსახიობია, თუმცა ის ბიზნესსაქმიანობითაც არის დაკავებული. ბევრს შრომობს იმისთვის, რომ დასახულ მიზნებს მიაღწიოს. რამდენიმე წლის წინ ამტკიცებდა, რომ 27 წლის ასაკში პირველი მილიონის მფლობელი გახდებოდა.