''ამა თუ იმ სითხის თვითღირებულება რომ შევამციროთ, ის უნდა გავაზავოთ ჩვეულებრივი წყლით''- ეს პოსტულატი, სამწუხაროდ მყარად აქვთ დანერგილი კვების ობიექტებში (წყალი გაცილებით იაფი ღირს, ვიდრე მაგალითად ვისკი. ამიტომ ეკონომია სახეზეა.) მაგრამ არსებობს წყალი, რომლის დამატებაც პირიქით, აძვირებს სასმელის ფასს.

წყლის ღირებულებაზე კარგად ისაუბრებენ ეკოლოგები, რომლებიც უკვე მერამდენე წელიწადია ცდილობენ საზოგადოებას აჩვენონ დაბინძურებული წყალსაცავები. ასე რომ, თუ ფილოსოფიურად ვიმსჯელებთ, 750 მლ წყალში 60 000 დოლარი, არც ისე ძვირი მოგეჩვენებათ.

მაგრამ მაინც- საინტერესოა გავიგოთ რა პრინციპით ედება ფასი წყალს.

1.Fine

820 მლ მოცულობის წყლის ბოთლი ღირს 5 დოლარზე ცოტა მეტი. წყალი მოიპოვება ფუძიამის ვულკანური სარტყლის 640 მ სიღრმიდან. მწარმოებელი გვპირდება, რომ მათ ნაწარმში თქვენ შეგიძლიათ შეიგრძნოთ იაპონიის გემო .

2. Tasmanian Rain

5 დოლარი 750 მლ წვიმის წყალში. გროვდება ტასმანიის სამხრეთ სანაპიროზე. მსოფლიო მეტეოროლოგიურმა ორგანიზაციამ ადგილობრივი ჰაერი აღიარა ყველაზე სუფთად მსოფლიოში, ასე რომ წყალს დამატებითი ფილტრაცია აღარ ჭირდება.

3. Lauquen Artes

6 დოლარი ერთ ლიტრ წყალში. ის მოიპოვება პატაგონიაში ანდების ყველაზე მაღალი მთის- აკონკაგუას ახლოს. წყალს იღებენ 1500 ფუტის სიღრმიდან (ნაკადული იკვებება წვიმებისგან და დნობადი მყინვარებისგან.) და წყალი მინერალიზირებულია ''თვითონ ანდებისგან'' (ყოველ შემთხვევაში ამას გვიმტკიცებს მწარმოებელი) . წყალი ბოთლებში ისხმება ჰაერის გარეშე, ამიტომ ინახება დიდხანს.

4. AquaDeco

12 დოლარი 750 მლ წყალში. უბალო წყლის პირობაზე საკმაოდ უჩვეულო ბოთლი აქვს. იგი მოიპოვება კანადის 18 000 ათასი წლის ასაკის არტეზიული ჭიდან. მყინვარებს ჩამოყალიბებული აქვთ შესანიშნავი ბუნებრივი ფილტრი ქვიშისა და ხრეშისაგან.

5. 10 Thousand BC.

სახელწოდება ითარგმნება ასე- ''10 ათასი წელი ჩვ. ერამდე''. ფასი- 14 დოლარი 750 მლ. მოიპოვება კანადაში. ვანკუვერიდან 200 მლ-ში. ამ წყალს სვამენ კანადის მთავრობაში, ის შეიძლება ნახოთ მსოფლიოს საუკეთესო სასტუმროების მინი-ბარებში.

6.Veen

წყალი ფინლანდიის სამხრეთიდანაა ( ბოთლებში ისხმება პირდაპირ ნაკადულიდან ).
აღსანიშნავია არა მხოლოდ წყალი- ბოთლიც, რომლის დიზაინმაც მრავალი პრემია დაიმსახურა. ფასი: 26 დოლარი 750 მლ.

7. Bliny H2O

ჰოლივუდელი სცენარისტი კევინ დჯ ბოიდი ამბობდა, რომ ადამიანის ხასიათზე ბევრი რამის გაგება შეგიძლია, თუ იცი რა წყალს ანიჭებს უპირატესობასო. Bling H2O ძალიან პოპულარულია ჰოლივუდში. ფასი- 40 დოლარი 750 მლ.

8. Filico

შახმატის ფიგურის ფორმის ბოთლი შორიდანვე იქცევს ყურადღებას. სახურავზე - ოქროს გვირგვინია ( იმის მიხედვით - მეფეა თუ დედოფალი ). წყალი მოიპოვება ოსაკაში ( იაპონია ) და განსაკუთრებული მახასიათებლები არ აქვს. მყიდველი ძირითადად ფულს იხდის ლამაზ ბოთლში ( 219 დოლარი 750 მლ.)

9. Kona Nigari

წყალი, რომელიც იაპონიაში იყიდება, ხელს უწყობს წონის დაკლებას, ხსნის სტრესს და აუმჯობესებს კანის ფერს ( შეიძლება არაც კი). ის გროვდება ოკეანეში (ჰავაის კუნძულებთან ახლოს ) რამდენიმე ათასი ფუტის სიღრმიდან. იწმინდება და იყიდება 402 დოლარად 750 მლ.

10. Acqua di Cristallo Tributo a Modigliani

60 000 დოლარი 750 მლ-ში. დიზაინერი ფერნანდო ალტამირანო ამ ბოთლის შექმნაზე შთააგონა იტალიელმა მხატვარმა და მოქანდაკემ ამედეო მოდილიანმა. შიგ ნაზავია -საფრანგეთის მინერალური წყლებისა ფიჯის რამდენიმე კუნძულიდან და ისლანდიის მყინვარების წყლისგან. იყო ერთი ბოთლი, რომელმაც რეკორდი მოხსნა. ექსპონატი ანალოგიური დიზაინით, მაგრამ ბრილიანტებით მოოჭვილი, შეფასებული იყო 3, 3 მილიონ დოლარად.