როგორც საზოგადოებისთვის არის ცნობილი, ორიოდე დღის წინ უკრაინულმა არხმა ინტერნეტით გააავრცელა ვიდეოკადრები, სადაც კიევის აეროპორტში ნარკოტიკული ნივთიერების ზემოქმედების ქვეშ უგონოდ მყოფი მსახიობი მიშა მესხი აღმოაჩინეს, მისი გადარჩენა მოხერხდა...

საზოგადოება არაერთგვაროვანად გამოეხმაურა ამ ფაქტს სოციალური ქსელის მოშვეობით. დიდი ნაწილს ეს ფაქტი სამარცხვინოდ მიაჩნია.

ე.წ. ცნობადი სახეები გამოესარჩლნენ მიშა მესხს და "ფეისბუქზე" დადეს სტატუსი "მე დღეს მიშა მესხი ვარ!!!"(ნანუკა ჟორჟოლიანი, ნიკა ქავთარაძე, ია ფარულავა, თამარ ჩერგოლეიშვილი და სხვა

"რუსთავი"-2-ის გენერალური მდივანს ნიკა გვარამიას მიაჩნია, რომ მსახიობის უფლებები დაირღვა, რადგან სახე დაბლარვის გარეშე აჩვენეს:

"მიშა მესხი შეიძლება არცხვენს თავის ერს (მე არ ვგრძნობ თავს შერცხვენილად,
მაგრამ დავუშვათ), მაგრამ ამ ვიდეოს გადამღები, ამ ფორმით (სახეების
დაბლარვის გარეშე), გამსაჯაროებელი და განსაკუთრებით დაკავებულზე/ავადმყოფზე მოღადავე პოლიცია და სამედიცინო პერსონალი (ზუსტად ეგენი არიან ერის სახე და არა ნარკომანი) პირდაპირ მეტყველებენ საკუთარი საზოგადოების ჩამორჩენილობაზე".

მიშა მესხის ვიდეოკადრებზე კომენტარი გააკეთა "ფეისბუქის" საშუალებით პირველი პრეზიდენტის ვაჟმა, ცოტნე გამსახურდიამ:

"დაცინვა კიარა, იზოლაცია და იძულებითი მკურნალობაა მაგის საჭირო!
ეგეთებმა უკვე დაასაფლავეს აქ ერთხელ ნებსით, თუ უნებლიედ თაობა თავიანთი
ბლატნოი-მორფინისტული რამანწიკით! გააზიარეთ, დაცინეთ, რაც მეტი ახალგაზრდა
ნახავს და გაიაზრებს ამ ჭაობს, მით უკეთესი!
არც მორალისტობას ვაპირებ კიდევ... უარესებიც გამომიცდია და თავადაც
ვყოფილვარ ამ წუმპეში. არც მიტყდება ამის აღიარება, რადგან უკვე თავისუფალი
ვარ. სწორედ ამიტომ ვამბობ იმას, რასაც ვამბობ! უბრალოდ, შეიძლება ყველა,
მომავალი თაობა ვერ ამოვიდეს აქედან ისე სასწაულით, როგორც ოდესღაც მე
გამიმართლა..."