მამაკაცი, რომელიც პარიზის პოლიციამ გასულ კვირას მოკლა, თავს ქართველად ასაღებდა. მან 7 იანვარს, პოლიციის განყოფილებაში დანით და ყალბი ასაფეთქებლით შეჭრა სცადა, თან სკანდირებდა - „დიდება ალაჰს“.
როგორც NYT იუწყება, თავდამსხმელი წვრილმანი დამნაშავე აღმოჩნდა, რომელიც შვიდი სახელით სარგებლობდა, მათ შორის, ქართული ეროვნებითაც. იგი პარიზში გამგზავრებამდე, გერმანიაში, თავშესაფრის მაძიებელთა სახლში ცხოვრობდა. მის საცხოვრებელში სამართალდამცველებმა რამდენიმე SIM ბარათი, არაბულ ენაზე შედგენილი დოკუმენტები და ორი დანა აღმოაჩინეს.