ევროპის ფართობი 10 მლნ. კმ² და მისი მოსახლეობა, დედამიწის მოსახლეობის, დაახლოებით 10 % შეადგენს. ევროპის პოლიტიკურ რუკაზე დღეს 50-მდე დამოუკიდებელი ქვეყანა არის (რაოდენობა იმაზე არის დამოკიდებული, თუ რა კრიტერიუმებით დაითვლიან). ვიდრე ევროპის პოლიტიკური რუკა დღევანდელ მდგომარეობამდე მოვიდოდა, მისმა მოსახლეობამ, საუკუნეების მანძილზე, არაერთი სირთულე და ომი გადაიტანა.

ევროპაში თანამედროვე ადამიანების წინაპრები 35 ათასი წლის წინ გამოჩნდნენ, ხოლო პროტოინდოევროპელების ნაკვალევი 6 ათასი წლით არის დათარიღებული. რაც შეეხება ევროპულ ცივილიზაციას, ის აღმოსავლეთ ხმელთაშუაზღვისპირეთში ჩაისახა და იქიდან გავრცელდა დანარჩენ ევროპაში.