თურქეთის სამხრეთ-აღმოსავლეთით მდებარე დიიარბაკირის პროვინციაში პოლიციასა და ტერირისტული დაჯგუფება “ისლამური სახელმწიფოს’’ მებრძოლებს შორის შეტაკება მოხდა.

ადგილობრივი გამოცემა "Daily Sabah"-ის ინფორმაციით, შეტაკება დღეს დილით პოლიციის რეიდის დროს დაიწყო.

კერძოდ, პოლიციის მიერ ტერორისტული დაჯგუფების წევრების ერთ-ერთი სახლის ჩხრეკისას ასაფეთქებელი მოწყობილობა ამოქმედდა.

აფეთქების შედეგად დაიღუპა 2 პოლიციელი, ოთხი კი დაშავდა.

ინციდენტის შემდეგ შემთხვევის ადგილას თურქეთის პოლიციამ დამატებითი დანაყოფები გაგზავნა, რომლებმაც სამი ტერორისტის დაკავება შეძლეს.

თუმცა, სპეცოპერაციის დროს წინააღმდეგობის გაწევისას პოლიციელებმა დაჯგუფების 7 წევრი მოკლეს.