თუ გინდათ ზღაპარში მოხვედრა, უნდა გაეცნოთ კარას იონუტას შემოქმედებას. ის ნიჭიერი რუმინელი ფოტოგრაფი და ციფრული მხატვარია. ფოტომანიპულაციების მეშვეობით, ფოტოხელოვანი, უმშვენიერეს სურათებს ქმნის, რომლებშიც ერთმანეთან შეთავსებულია რეალური და არარეალური სამყაროები.
მის მიერ შექმნილი სურათების დათვალიერებისას, ადამიანი განსხვავებულ, ზღაპრულ სამყაროში ხვდება. თავად ავტორი ამბობს, რომ მის შემოქმედებაზე დიდ გავლენას ახდენს სიზმრები, შემოდგომის და ზამთრის პეიზაჟები. ფოტოსურათებზე მოჭარბებული ცივი ფერების მიუხედავად, კარას იონუტას ნამუშევრები, დადებით, თბილ ემოციებს იწვევს დამთვალიერებლებში.

ფოტომხატვარი კარას იონუტა