ერთ დროს ბესო იყო, დღეს კი უკვე ულამაზესი ქალბატონია. თვლის, რომ დაბადებიდან ასეთი იყო, ბუნებრივად ქალი. რამდენიმე პლასტიკური ოპერაცია გაიკეთა, უკვე მკერდი აქვს და ძველ სასქესო ორგანოსაც დაემშვიდობა. პირად ცხოვრებაშიც ყველაფერი რიგზეა, შეყვარებულია, თუმცა პარტნიორის სახელს არ გვიმხელს. ყვითელი პრესა კი გამუდმებით ახალ-ახალ მამაკაცებთან აწყვილებს. ოჯახთან ძალიან კარგი დამოკიდებულება აქვს. კესოს მტკიცებით, მიუხედავად სირთულეებისა ოჯახი მუდამ გვერდში ედგა. უმცროს დას თავიდან ცოტათი უჭირდა ამ ყველაფრის აღქმა, თუმცა დღეს ახლო მეგობრები და მესაიდუმლეები არან. კესარია თავის ყოვველ ნაბიჯს დედას უყვება, თვლის რომ დასამალი არც არაფერი აქვს.

კესარიას უმცროსი და 20 წლის ულამაზესი ანა აბრამიძე გახლავთ. გოგონა სტუდენტია, სამართალს სწავლობს და სამომავლოდ LGBT პირების დაცვის საკითხებზე სურს მუშაობა. დისაგან განსხვავებით მას პოპულარობა არ იზიდავს. კესარია უმცროს დას მოდელობას ურჩევს, თუმცა ანას ეს საქმიანობა არ ხიბლავს. "თავიდან რთული იყო ამასთან შეგუება და ეს ბუნებრივიცაა. ახლა სხვა დროა, ბევრი რამ შეიცვალა და მადლობა ღმერთს ყველაფერი კარგადაა. ძალიან ბედნიერი ვარ, რომ ჩემს დას და მამას შესანიშნავი ურთიერთობა აქვთ. ქართული საზოგადოება სიმკაცრეს იჩენს LGBT ადამიანების მიმართ, თუმცა, ბოლო წლებთან შედარებით სიტუაცია მნიშვნელოვნად გამოსწორდა. როცა პატარა ვიყავი, კესოზე გაგონილ, დაწერილ ჭორებს ძალიან განვიცდიდი. ახლა გავიზარდე და ბევრმა მაგალითმა მიჩვენა, რომ საზოგადოების დიდ ნაწილს ბრბო წარმოადგენს, რომელსაც საკუთარი აზრი არ გააჩნია."