ჰოლივოდის ერთ-ერთი ყველაზე ძლიერი წყვილი, ანჯელინა ჯოლი და ბრეტ პიტი, კიდევ ერთხელ მოხვდნენ განქორწინების ჭორებში. უკანასკნელი ჭორების მიხედვით, ანჯელინიმ პიტი ყოფილ ცოლთან, ჯენიფერ ენისტონთან, საფლირტაო მესიჯების მიმოწერაში გამოიჭირა.
ერთ-ერთი ჟურნალის ინფორმაციის თანახმად, მსახიობი ქმრის ტელეფონში შვილების ფოტოებს ათვალიერებდა, როდესაც უცხო ნომრიდან შემოსული მესიჯები იპოვა, რომელიც ენისტონის აღმოჩნდა. ბრეტ პიტმა აუხსნა, რომ ენისტონი უბრალოდ თავისი ქორწილის შესახებ უყვებოდა და ანჯელინას ისიც კი შესთავაზა, რომ ყოფილ ცოლთან ყველანაირ ურთიერთობას შეწყვეტდა. თუმცა ახლა უკვე პიტი უმახვილებს ჯოლს ყურადღებას იმაზე, რომ ჯოლიც ჯერ კიდევ ელაპარაკება თავის ყოფილებს.