ინგრედიენტები:

ხეკის ფილე - 400 გრ.

კარაქი - 100 გრ.

კვერცხი - 1 ც.

თეთრი პური - 150 გრ.

ხახვი - 1 დიდი ან 2 პატარა

რძე - 50-70მლ.

ოხრახუში და ქინძი - თითო კონა

მარილი და შავი დაფქული პილპილი - გემოვნებით

საფანელი

ზეთი

მომზადება:

1. თევზს მოაცილეთ ტყავი და ძვალი > წვრილად დაჭერით მწვანილი > ხახვი დაჭერით და მოთუშეთ ზეთში.

2. თევზის ფილე, პური და ხახვი (შეგრილებული) გაატარეთ ხორცის საკეპ მანქანაში.

3. ფარშს დაამატეთ კვერცხი, რძე, მწვანილი და დარბილებული კარაქი > კარგად აურიეთ ყველაფერი > შეანელეთ მარილით და პილპილით.

4. თუ ფარში თხელი გამოვა, დაამატეთ საფანელი > დაყავით გუნდებად, მიეცით კოტლეტის ფორმა, ამოავლეთ საფანელში და შეწვით ზეთში.