მსგავსი ფოტოსურათის და მსგავსი რეკლამების ნახვა ყველგან შეგიძლიათ სადაც აუდიტორია ძალიან დიდ ციფრებზე ადის, საშინელებაა რომ დღესდღეობით საქართველოს ინტერნეტ სივრცის რეკლამირება თითქმის 50% კაზინოებისა და ტოტალიზატორების რეკლამირებას ხმარდება, თუმცაღა ამას არცერთი ქართული კანონმდებლობა არ კრძალავს, ალბათ ყველას გამოგიცდიათ რა არის აზარტი რას გრძნობს ადამიანი როდესაც აზარტში შედის მას შეუძლია წააგოს უკანასკნელი თეთრიც კი, სულ რამოდენიმე წელია რაც ეს ჭირი საქართველოს მოედო თანაც ქართველები ძალზედ აქტიური მომხმარებლები გახდნენ ამ ავადსახსენებელი სენისა. ბევრი ადამიანი ხვდება რომ ცუდია ის რასაც აკეთებს, იცის რომ წააგებს მას რაც კი შემორჩა, უკანასკნელ თეთრამდე წააგებს, მაგრამ არ ნებდება იხტიბარს არ იტეხს და პირიქით, უფროდაუფრო ჟინით ეთამაშება იმის სურვილით რომ დღეს თუ 5 წააგო ხვალ 20ს მოიგებს, მაგრამ ყველამ კარგად იცით საბოლოო შედეგი რა გვრჩება, უბრალოდ გაფხეკილი ადამიანები, კარგი იქნებოდა თუ ამ პრობლემას, რაც საქართველოშია ვინმე კრიტიკულად შეხედავდა დაინტერესდებოდა ვინმე იმით თუ რა პროგრამებით სარგებლობენ საიტები გამართულია თუარა მათი პროგრამები და თუნდაც შეზღუდონ მათი ინტერნეტით გაშვება რადგან მისი მომხმარებლები განსაკუთრებით კი აჭარაბეთის მომხმრებლების აბსოლუტური უმრავლესობა -18 ია ანუ ჯერ 18 წლისაც არ გამხდარან, უამრავი ალბათ გინახავთ ბავშვებიც კი თამაშობენ პოკერს, სწორედ აქიდან იწყება ყველაფერი აბა მფლანგველად და ყომარბაზად ხომ არავინ დაბადებულა თავიდანვე? ამ სტატიით არანაირ მოწოდებას არ ვაცხადებ არც პროპაგანდას ვუწევ რაიმე სახის პროდუქციას უბრალოდ დღევანდელი საქართველო არაა იმ მდგომარეობაში რომ უკანასკნელი კაპიკები ონლაინ ტოტალიზატორებს აჭამონ, ჩემი აზრით უნდა გაკონტროლდეს მათი მუშაობის პრინციპი, მაგალითზე ჩვენ მეზობელ თურქეთში საერთოდ აკრაძალულია აზარტული თამაშების ნებისმიერი სახეობა, მითუმეტეს კი საერთოდ ვერ შეხვალთ ვერცერთ ინტერნეტ საიტზე რომელსაც პოკერი, ნარდი, რულეტი, ან რამე მსგავსი უკავშირდება, ყველანაირი საიტი უბრალოდ დაბლოკილია და მეტი არაფერი, ალბათ კარგი იქნებოდა ეს ყველაფერი ჩვენთანაც ყოფილიყო, არავინ არ ამბობს გააუქმონ ლაივი ანუ კაზინოები რომლებიც ქალაქებში მდებარეობს, უბრალოდ იქ პატარა და არასრულწლოვანი ვერ შევა და მცირედით მაინც გაკონტროლდება ეს სფერო, ამაზე ნამდვილად უნდა ვიზრუნოთ ჩვენი ეკონომიკური მდგომარეობიდან გამომდინარე, რადგან არამგონია თურქეთის ეკონომიკას როგორმე ბადალს ვუდებდეთ, რაიმე პროცენტულადაც კი, მაგრამ რატომღაც ამას არავინ აქცევს ყურადღებას, არ ჯობია ეს სფერო ცოტა უფრო დაიხვეწოს? თუ ისევ უნდა ვიფიქროთ რომ დღევანდელი ინტერნეტ ტოტალიზატორის ბაზარი სწორედაც რომ ვინმე კონკრეტული მაღალჩინოსნის არ არის? და ამით ის არის დაინტერესებული? მაშინ რატომ უნდა გაგვიკვირდეს რომ ასეთი მდგომარეობაა, მაგრამ ეს ფაქტი ჯერჯერობით ვერ დავადასტურეთ ვერცერთი წყაროდან, თუკი დადასტურდა აუცილებლად დაიწერება, მის შესახებ.