სულ ცოტა ხნის წინ პროექტი "ერთი ერთში" დასრულდა, რომელშიც გამარჯვება და ოროთახიანი ბინა, თკო გაჩეჩილაძეს ხვდა წილად. მომღერალი ოთო ნემსაძე კი მეორე ადგილსა და ავტომობილს დასჯერდა. ტელეკომპანია იმედის გადაცემა "დღის შოუში", სადაც სტუმარი თაკო გაჩეჩილაძე გახლდათ წამყვანებმა აღნიშნეს, რომ მარიტა როხვაძის გარდა გამარჯვებულს ეს დიდი წარმატება არავინ მიულოცა და ამ ფაქტის გამო აღშფოთება გამოხატეს. თავად თაკო გაჩეჩილაძე კი ამტკიცებდა, რომ კოლეგების მდგომარეობა კარგად ესმის, როგორც ჩანს, ეს დიდი იმედგაცრუების გამო დაემართათო.

მომხდარ ფაქტთან დაკავშირებით ვრცელ განცხდებას ავრცელებს ოთო ნემსაძე: "ამდენი ხანი ჩუმად ვიყავი და ახლა უბრალოდ არ შეიძლება გაჩუმება, პირველ რიგში არვის საწინააღმდეგო არაფერი არ მაქვს და ვინც მიცნობს, იცის, რასაც ვფიქრობ ზოგადად ჩემს კოლეგებზე და მითუმეტეს ინტრიგანი და შურიანი ადამიანი ნამდვილად არ ვარ. პირველ რიგში ვიტყვი იმას რომ საერთოდ არანაირი კომენტარის გაკეთების სურვილი არ მაქვს ჯერჯერობით ამ კონკურსზე რომელიც ცოტა ხნის წინ დამთავრდა, მაგრამ არ შევეგუები ცილისმწამებლურ და ათასნაირ მოგონილ ისტორიებს, ჩემი მუსიკალური მოღვაწეობა არც ამ შოუთი დაწყებულა და არც აქ არ დამთავრდება. მინდა ყველამ იცოდეს და თუ ვინმეს სურვილი აქვს გადაახვიოს და ნახოს, რომ მე ჩემს კოლეგას, მართლაც რომ ერთ-ერთ საუკეთსო მომღერალს თაკო გაჩეჩილაძეს სცენაზევე მივულოცე და დღესაც და ცხოვრების ბოლომდეც ვუსურვებ ძალიან დიდ წარმატებას. რაც შეეხება სცენაზე დგომას, ნამდვილად არ გავჩერდებოდი იმ სცენაზე სადაც ფინალში მიკროფონი მეთიშება და სადაც ნამდვილად ის აურაა, რომელში ყოფნასაც არც ერთ ჩემს კოლეგას არ ვუსურვებ. ძალიან გთხოვთ თავი შეიკავეთ შეურაცმყოფელი კომენტარებისაგან და დატკბით ცხოვრებით წარმატებები ყველას და მადლობა უამრავ ადამიანს რომელიც არა მარტო ამ სამი თის განმავლობაში, არამედ მთელი ცხოვრებაა ჩემს გვერდით არიან. მიყვარხართ და მეამაყებით".