მომღერალი ანრი ჯოხაძე მოსკოვში, დომოდედოვის აეროპორტში რუსმა მესაზღვრეებმა დააკავეს. მომხდარის შესახებ მომღერალმა სოიალური ქსელის მეშვეობით გვამცნო: "საშინელ მდგომარეობაში აღმოვჩნდი ვარ დომოდედოვოს აეროპორტში მესაზღვრეების მიერ დაკავებული რუსეთის ვიზის არქონის გამო და ვერც გავაგებინე რომ ტრანზიტით ვარ არ ვიცი რა გავაკეთო თუ ვინმეს შეგიძლიათ დამეხმარეთ თავი დავაღწიო ამ გაუგებრობას".

როგორც ირკვევა, გუშინ მომღერალი კოლეგა, სოფი სააკაშვილს გულშემატკივრობდა. ახალგაზრდა მომღერალი კონკურს "Славянский базар"-ში საქართველოს სახწლით იღებს მონაწილეობას. გოგონა პირველი საკონკურსო ტურის შემდეგ მეხუთე ადგილზეა და იმედოვნებს, რომ შედეგებსაც გააუმჯობესებს. "სოფო სააკაშვილმა ისე იმღერა სლავიანსკი ბაზარზე ცოტა სისხლი გამეყინა ძარღვებში... ამაყი ვარ!!!"-წერდა ანრი სოციალურ ქსელში და კულისებში გადაღებულ ფოტოებსაც აქვეყნებდა.

მომხდარის შესახებ მალევე გავრცელდა ინფორმაცია.

"ანრი ჯოხაძე მოსკოვში მინსკის რეისით ჩაფრინდა, რაც რუსეთის კანონმდებლობით შიდა რეისად ითვლება. მან შეცდომით არ გაიარა სატრანზიტო არეალი, რის გამოც რუსეთის ტერიტორიაზე მოხვდა. ჯარიმის გადახდის შემდეგ მას მინსკში დააბრუნებენ"-განმარტეს საგარეო საქმეთა სამინისტროში.

მომღერლის მეგობრები, ნათესავები, ნაცნობები, თუ უბრალოდ გულშემატკივრები აღშფოთებულნი იყვნენ მომხდარით და მოულოდნელად ელოდნენ ანრის გათავისუფლებას. მომღერალი უკვე თავისუფალია, რის შესახებაც ის სოციალური ქსელით გვამცნობს: "როგორც იქნა დავაღწიე თავი იმ საშინელებას ... დიდი მადლობა ყველა იმ ადამიანს ვინც ჩემს დახმარებას ცდილობდა და თუნდაც ორი სიტყვით მამხნევებდა ... ძალიან დიდი მადლობა თანადგომისთვის ადამიანებო. მტერსაც არ ვუსურვებ იმ სტრესის გადატანას რაც დღეს მომიწია!!!"