გერმანიის კანლცერი ანგელა მერკელი და საფრანგეთის პრეზიდენტი ფრანსუა ოლანდი საბერძნეთის პრემიერმინისტრს მოუწოდებენ კრიზისის დასაძლევად მიმდინარე კვირაში წარმოადგინოს სერიოზული წინადადებები.
ამის შესახებ მერკელმა და ოლანდმა ელისეს სასახლეში გუშინ გამართული შეხვედრის შემდეგ განაცხადეს. ლიდერების განცხადებით, საბერძნეთისთვის ვალის ჩამოწერა დაუშვებელია, რადგან ამ შემთხვევაში დაირღვევა სამართლიანობა ევროზონის დანარჩენი 18 წევრის მიმართ. ხოლო, თუ სხვა წევრებიც უარს განაცხადებენ ვალის დაბრუნებაზე, ეს ევროზონის დაშლას გამოიწვევს.