ახალგაზრდა პოლიტიკოსი, განათლებული, ამაყი და მიზანდასახული გოგონა, ეკაკო საზოგადოებამ სულ რამდენიმე კვირაში შეიყვარა. მერე რა, რომ ეს ყველაფერი მხოლოდ სერიალია...

ეკაკოს უკან ულამაზესი მსახიობი, 22 წლის თინი გალდავა დგას. გოგონა ტრადიციულ, ქართულ ოჯახში გაიზარდა, დედა-მარიამ ჟღენტი მხატვარია, მამა-ალექსანდრე გლდავა დეკანოზი. თინის ორი ძმა ჰყავს, ლუკა და ლაზარე.

გოგონა, რომ ხელოვანი იქნებოდა ბავშვობიდან გამჟღავნდა. სულ პატარა იყო, როდესაც დედამ ცისფერი კაბა შეუკერა, რომლითაც თოვლში ბალერინასავით ცეკვავდა. ბალეტზე შეიყვანეს, მამას ამხელა შრომისათვის არ ემეტებოდა, მაგრამ ბლერინობა თინისაც სურდა. სამწუხაროდ ამ პროფესიაში ფეხი ვერ მოიკიდა, რადგან წონა ხელს არ უწყობს, რის გამოც მუდამ დიეტაზე ყოფნა უწევდა, საბოლოოდ კი დანებდა... ვახტანგ ჭაბუკიანის სახელობის ქორეოგრაფიული სასწავლების დამთავრებისთანავე თეატრალურ უნივერსიტეტში ჩააბარა. დღეს უკვე მსახიობია. თინის მშობლები შესანიშნავად ხატავენ, მასაც ნიჭი გამოჰყვა. პროფესია დამოუკიდებლად აირჩია, ოჯახიც გვერდში დაუდგა და დღეს ძალიან ბედნიერია.

თინი ეკაკოს მსგავსად მიზანდასახული და შრომისმოყვარე ადამიანია. თვლის, რომ საკუთარ პერსონაჟთან ბევრი საერთო აქვს, რის გამოც როლის მორგება არ გასჭირვებია. გოგონა ეკაკოსაგან განსხვავებით ბევრად უფრო მხიარული ადამიანია.

თინი შეყვარებულია. მისი რჩეული მისივე კოლეგა და ჯგუფელი, მსახიობი ნიკა ჩხეიძეა. ყველაფერი მეგობრობით დაიწყო და სიყვარულში გადაიზარდა. წყვილის რომანი უკვე სამ წელიწადს ითვლის.

თინი დღეს უკვე პოპულრული მსახიობია. მოსწონს, როდესაც ცნობენ და ხალხი მის მიმართ სითბოს გამოხატავს, მაგრამ ამ ყველაფრს უარყოფითიც აქვს, მუდმივად ვიღაც აკვირდება, რის გამოც უხერხულობას გრძნობს.